Cape Fear - Il promontorio della paura

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Cape Fear
Cape Fear - Il promontorio della paura
Cape Fear - Il promontorio della paura.png
De Niro, la Lewis e la Lange in na figùra dal film
Cape Fear - Al prumuntòri dla paùra
1991
Regia: Martin Scorsese
Scritùr: John D. MacDonald • James R. Webb
Atùr: Robert De NiroNick NolteJessica Lange
Juliette LewisRobert MitchumJoe Don Baker
Gregory PeckMartin BalsamIlleana Douglas
Müsica: Bernard Herrmann • Elmer Bernstein
Lengua: Ingléś
Dürä dal film: 122 minüt
Nasiòṅ: Stat Unî


«
Max Cady 'l è stâ in parśòṅ par quatórd'ś an... adès 'l è turnâ e 'l dà la casa a 'l óm ch'al gh 'l iva spedî.»
(Tagline dal film)


Cape Fear - Il promontorio della paura (Cape Fear - Al prumuntòri dla paùra) 'l è 'n thriller dal 1991 ad Martin Scorsese, arfacimènt dna pelìcula dal 1962 ad J. Lee Thompson, Il promontorio della paura. Par cal film chè Robert De Niro e la Juliette Lewis i èṅ stâ numinâ p'r i Prèmi Òscar dal 1992.

Custâ trénta-sinc migliòṅ ad dòlar, al film al 'n à pò purtâ a cà da piò ad sènt-utantadū.

Sunt

Sam Bowden (Nick Nolte) al fà 'l avucàt in na pìcula sitadìna dla Flòrida in du al viṿ insém a sò mujér Leigh (Jessica Lange) e a sò fiōla 'd quìnd'ś an, la Danielle (Juliette Lewis). In dal 1977 'l iva diféś un sò cliènt, Max Cady (Robert De Niro), in un prucès par viulénsa carnàla ma al n éra minga stâ bòṅ ad far-'g-la pasàr lisa.

Adès che dòp tant an Max 'l à scuntâ la sò péna al gh'à sōl un ciòld fis in dla mènt, qvél ad far-'g-la pagàr parchè par lò 'l avucàt al n s éra briśa impgnâ tròp par difénd'r-al. Piàn piàṅ Cady al taca a turmintàr la sò famìja ma sénsa far di quèi cóntar la léǵ: prima al paga lōr la séna in un cìnema in du i dàv'n al film Piccola peste, pò al fà di cumplimènt a la Danielle tacànd a tgnir-la 'd òć da drē 'd un mur. Bowden al s arlìa ma al n pōl far gnint anc quànd al sò caṅ al vîṅ catâ mòrt velenâ parchè al tenènt dla pulisìa Elgart (Robert Mitchum) al gh diś ch'a n gh'è mia dal próvi ch'a sia stâ lò. 'L avucàt al próa a dar di bèsi a 'n detective privâ, Claude Kersek (Joe Don Baker), par tgnir-'g adrē.

In cal méntar Cady al viulénta l'amànta ad Sam, la Lori Davis (Illeana Douglas), par far-ag rivàr un signàl, tant lò al n pōl dir gnint p'r a n dasquaciàr minga cla stòria lè e i còran ch'l à mis a sò mujér. A cal punt lè Sam al paga tri óm par dar-'g-i ma Cady al regìstra incòsa e l'arbàlta la fritàda parchè adès al gh'à quèl in maṅ par denunsiàr-al.

'L avucàt al scapa cun la sò famìja a Cape Fear in dla Carulìna dal Nòrd ma Cady a riva lè ad nòt par dar séguit a la sò sē 'd vindéta.

Culegamènt estéran