Cacciatrice di uomini
|
C'l artìcul chè 'l è scrit in
Miranduléś |
 The Perfect Neighbor
| ||
| Cacciatrice di uomini | ||
 La Barbara Niven in na figùra dal film | ||
| Casadōra 'd óm 2005 | ||
|---|---|---|
| Regìa: Douglas Jackson | ||
| Scritōr: Ken Sanders • Richard Dana Smith | ||
| Atōr: Barbara Niven • Perry King • Susan Blakely Linda Darlow • Anna Silk • Peter Michael Dillon Lila Bata-Walsh • Chuck Shamata • Diane White Caroline Redekopp • Mark Camacho • Jon Welch | ||
| Müsica: Richard Bowers • Henry J. Lindley | ||
| Léngua: Ingléś | ||
| Dürä dal film: 93 minüt | ||
| Nasiōṅ: Cànada | ||
Cacciatrice di uomini (Casadōra 'd óm) 'l è 'n thriller canadéś dal 2005 fat par la televiśiòṅ ad Douglas Jackson. 'L è stâ girâ a Ottawa.
In Itàglia 'l è cgnusû anc c'n al nóm ad “Una vicina quasi perfetta”.
Sunt
La Donna Germaine (Barbara Niven) l'è na dóna 'd Kansas City dimóndi dasfurtunàda cun chi óm. Quànd l'éra pìcula (Keara Johnston) l'à patî dimóndi 'l fat che sò pàdar (Brent Donnelly) al l'àppia bandunàda par cólpa 'd sò màdar. Adès ch'l'è dvintàda granda e ch'la pénsa finalmènt 'd avér catâ 'l amōr c'n al sò amànt Thomas (Alan Fawcett), chi lò al decìd invéci 'd turnàr da sò mujér. La Donna la n al pardòna briśa e la gh tira na scurtlàda in dla pansa, pò la saplìs al cadàvar.
Par cambiàr vita la decìd 'd andàr a star da na sò sîna, la Grace Palmer (Linda Darlow). Chi lè la stà in na vila darènt a la cà di sò vśèṅ, la famìja Costigan: William (Perry King), sò mujér Jeannie (Susan Blakely) e la putìna ciamàda Trish (Lila Bata-Walsh) ch'la tōś dal lesiòṅ ad piàṅ. Durànt na fèsta la Donna la buta subìt 'l òć su William. Chi lò 'l è 'n dirigìnt dna televiśiòṅ dal pòst, la WGBC, e 'l gh'à na culéga dimóndi bèla e śōvna, l’Ashley Marin (Anna Silk), ch'la fà tròp la dōlsa sèg a dita 'd sò mujér e anc dla Donna. Chi lē la vōl a tut i cóst William tut par lē e quànd la Grace la và a ravanàr in di sò casét vdénd na foto d'l óm che sò anvōda l'à dascargâ da internet, la Donna la la cùcia śò p'r al scali masànd-la parchè la n s è minga fat i cas suo.
Adès a n gh armàgn gnint àtar da far che far fóra l’Ashley e pò paràr via la Jeannie acsè finalmènt anc lē la gh'arà la sò famìja cun William da la sò banda.