Bros

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


«
Yes, you're suitably one with your body and the sun, yes, you are, you've read Karl Marx and you've taught yourself to dance, you're the best by far but you keep asking the question, oh, you're not supposed to mention, when will I, will I be famous? I can't answer, I can't answer that, when will I see my picture in the paper?»
(EN)(When Will I Be Famous, 1988)
«
Sè, at sē pròpria ùnic c'n al tò còrp e 'l Sōl, sè, 't al sē, 't à lèt Karl Marx e imparâ a balàr, at sē al nùm'r òṅ sicûr ma 't cuntìnuv a far la dmanda, oh, ta n gh'arév briśa da numinàr, quànd sarò-j-a famóś mè? A n pòs minga rispóndar, a n al sò mia, quànd vadrò-j-a 'l mè fóto su 'l giurnàł?»
(MUD)
Luke Goss tòlt śò in dal 2011


I Bros (a s lèś /brɒs/ in ingléś) i èṅ un grup pop ingléś fundâ in dal 1986 a Camberley in dla cuntèa 'd Surrey. I 'n fàvan part i śmèi Matt Goss (vóś), Luke Goss (baterìa) e 'l sò cumpàgn ad scóla Craig Logan (bas). Al sò manager Tom Watkins 'l iva laurâ c'n i Pet Shop Boys.

I aṅ catâ 'l sucès specialmènt a la fiṅ di an Utànta c'n al disc Push e i sìngui I Owe You Nothing e When Will I Be Famous preśentâ anc a 'l Fèstival ad Sanremo e tut al ragasōli i gh'andàv'n adrē. Dòp al bandòṅ 'd Logan a 'l inìsi dal 1989, liquidâ cun na pacàda 'd bèsi, i Bros i aṅ cuntinuâ da par lōr faghénd vgnir fóra 'l braṅ Chocolate Box e 'l àlbum The Time par pò dar-'g un taj in dal 1992.

In séguit Matt 'l à cuntinuâ a cantàr, publicànd tri disc da par lò, méntar Luke 'l à tacâ na caréra 'd atōr a Hollywood tulénd part a soquànti pelìculi 'd sucès cuma Blade II e Hellboy - The Golden Army ad Guillermo del Toro.

In dal 2017 i dū śmèi i s èṅ catâ incóra insém p'r un tour in dal Régn Unî.

Discugrafìa

Àlbum

  • 1988 - Push
  • 1989 - The Time
  • 1991 - Changing Faces
  • 2004 - The Best of Bros

Culegamènt estéran