Boxing Helena

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Boxing Helena
Boxing Helena
Boxing Helena.png
Julian Sands e la Sherilyn Fenn in na figùra dal film
Inscatlànd l'Helena
1993
Regia: Jennifer Chambers Lynch
Scritùr: Philippe Caland • Jennifer Chambers Lynch
Atùr: Julian SandsSherilyn FennBill Paxton
Kurtwood SmithArt GarfunkelBetsy Clark
Müsica: Graeme Revell
Lengua: Ingléś
Dürä dal film: 107 minüt
Nasiòṅ: Stat Unî


«
Quànd 'l amōr al dvènta usesiòṅ.»
(Tagline dal film)


Boxing Helena (Inscatlànd l'Helena) 'l è 'n thriller dramàtic dal 1993 dla Jennifer Chambers Lynch, chè a 'l sò debùt.

Prima 'd sarnìr cuma prutagunìsta la Sherilyn Fenn, dòp avér pruâ a tōr la Madonna, la prudusiòṅ la s éra misa 'd acòrd in paròla cun la Kim Basinger che però a 'l ùltim la s éra tiràda indrē. Dòp che la questiòṅ l'è finìda in maṅ a gl'avucàt, l'atōra l'è stada custréta a vèr'r al burslèṅ e a pagàr a la Main Line dagnóra quàtar migliòṅ ad dòlar faghénd anc bancaróta.

La pelìcula, ch'l'è stada preśentàda a 'l Sundance Film Festival in dal Śnar dal 1993 e a 'l 50śum Fèstival ad Venèsia, l'à fat sù un migliòṅ e òt ad dòlar.

Sunt

Nick Cavanaugh (Julian Sands), cirùś'g ad sucès, al gh'à di prubléma c'n al dóni da quànd da pìcul al vdiva cla ninéta 'd sò màdar purtàr-'s a cà 'd cuntìnuv di óm da gusàr-as. Adès al mèdag al s è spuśâ cun l’Anne (Betsy Clark) ma 'l à anc pardû la tèsta par l’Helena (Sherilyn Fenn) che però l'è bèla impgnàda cun cal brut grintèṅ ad Ray O'Malley (Bill Paxton). Ma la dóna la n in vōl savēr ad lò e di sò fiōr, piutòst la decìd ad véd'r-as cun Russel (Bryan Smith).

Un dè la dóna la finìs sóta 'n furgunsèṅ armagnénd frida. Nick al decìd ad curàr-la da par lò cavànd-'g al gambi durànt l'uperasiòṅ par pò tgnir-la in cà sua. Par far in manéra ch'la n pòsa minga scapàr via al dastàca 'l telèfun e pò al decìd ad tiràr-ag via anc i bras. L’Helena la dvènta acsè la sò „bambulìna imbambulàda“.

Culegamènt estéran