Bound - Torbido inganno

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Bound
Bound - Torbido inganno
Bound.png
La Tilly e la Gershon in na figùra dal film
Bound - Imbròj tórbad
1996
Regìa: Lana e Lilly Wachowski
Scritōr: Lana e Lilly Wachowski
Atōr: Jennifer TillyGina GershonJohn P. Ryan
Joe PantolianoChristopher MeloniSusie Bright
Richard C. SarafianMary MaraMargaret Smith
Müsica: Don Davis
Léngua: Ingléś
Dürä dal film: 108 minüt
Nasiōṅ: Stat Unî


«
In dal sò mónd, la libertà la n s pōl minga cumpràr ma la s pōl rubàr.»
(Tagline dal film)


Bound - Torbido inganno (Bound - Imbròj tórbad) 'l è 'n thriller dal 1996 di fradèi Lana e Lilly Wachowski.

Al film 'l è custâ siē migliòṅ ad dòlar. In di Stat Unî al 'n à fat sù tri e òt.

Sunt

La Corky (Gina Gershon) l'è na lèśbica masćiùsa. Dòp sinc an ad parśòṅ, la vîṅ mandàda libra e par scampàr la s mét a far l'idràulica. Un dè, faghénd la strada p'r andàr a far un lavursèṅ in 'n apartamènt, la cgnós na còpia ch'la viṿ lè incòst, la Violet (Meg Tilly) e Caesar (Joe Pantoliano), un delinquènt da quàtar sòld ch'al juta la màfia a pulìr ad nóṿ di bèsi malnét.

Méntar la Corky l'è drē a far al sò lavōr, la Violet la gh dmanda ad jutàr-la a catàr sù un sò urcèṅ ch'al gh'éra cascâ par tèra. Quànd pò i s mét'n a bévar na bira insém, la Violet la gh cunfèsa ch'l'è stada lē a far cascàr al buclèṅ ad prupòśit. In sal più bèl a riva Caesar ch'al manda a l'ària incòsa. Quànd pò l'atra la s tōś sù p'r andàr a cà, la Violet la gh và a drē e cla sira lè pò al dū dóni i finìs'n a lèt a far al purcùsi. Al dè dòp la Violet la cònta a la sò "amìga" i pasćiùs che sò marè al fà par la màfia.

In cal méntar Caesar e di àt'r óm i dànan śò ad brut a 'n óm ciamâ Shelly (Barry Kivel) ch'al s éra mis in mèś. E l'è qvél ch'la vrév far anc la Violet insém a la Corky: purtàr-ag via i dū migliòṅ ad dòlar ch'al gh'à Caesar in cà, e cambiàr vita.

Culegamènt estéran