Bordering

Da Wikipedia.

C'l artìcul chè 'l è scrit in Miranduléś Emiliàn

Bordering on Bad Behavior
Bordering

Zehavi, Sizemore e Curry in na figùra dal film
Cunfinànt
2014
Regìa: Jac Mulder
Scritōr: Ziggy Darwish
Atōr: Tom SizemoreOz ZehaviBernard Curry
Kym JacksonAlistair Moulton BlackDylan Edy
Amy Louise WilsonClaire DanteHafid Khalid
Müsica: Simon Malherbe
Léngua: IngléśÀrabEbràic
Dürä dal film: 85 minüt
Nasiōṅ: Sud Àfrica


«
La guèra la masa, la marìa la guarìs.»
(Tagline dal film)


Bordering (Cunfinànt) l'è na cumèdia sudafricàna dal 2014 ad Jac Mulder, giràda a Sità dal Cap c'n un budget stimâ ad dū migliòṅ ad dòlar.

Sunt

Bob (Tom Sizemore) 'l è 'n suldâ americàṅ redneck, amànt dla bira e dal cuśinàr. In misiòṅ in Iśraēl in na pustasiòṅ militàra a 'l cunfîṅ c'n al Lìban, al gh'à da lauràr cun Ari (Oz Zehavi), 'n ebrèj piutòst arvèrs da quànd 'l à pardû la sò famìja durànt 'n atintâ p'r al stradi 'd Tel Avìv.

Da c'l atra banda dal cunfîṅ a gh'è Baz (Bernard Curry), un suldâ austragliàṅ cun di urìgini libanéśi, in vacànsa lè insém a la sò famìja, sò mujēr Jewels (Kym Jackson) e la sò putìna Lisa (Willow Mulder), par catàr i parènt àrab ad sò cuśèṅ Maz (Tyrel Meyer), anc lò militàr.

Na nòt, méntar Maz 'l è in gir a tgnir 'd òć i cunfîṅ, Baz al s pèrd e 'l pasa la fruntéra par śbali. Catànd 'l us dla baś ad Bob avèrt, al decìd 'd andàr-ag dèntar. Al prubléma 'l è che, na vòlta saràda, la pòrta la n s vèra piò par di mutìṿ ad sicurésa e i tri militàr i eṅ custrét a spetàr siē óri prima 'd psēr mét'r al bèc fóra. I tri óm i tàc'n acsè a dascórar 'd pulìtica par pasàr-'s al tèmp ma a 'n sèrt punt Bob al tira fóra dla marijuana par divertìr-'s un muć insém. Durànt al “viàś” ch'i fànan, fat e strafàt in na situasiòṅ ad cretinìśia, i védan Geśù Crist (Dylan Edy), al Mahatma Gandhi (Rameez Nordien), Màdar Teréśa (Claire Dante) e na Màdar Natùra (Jessica Dawson) mità rasta e mità hippie.

Culegamènt estéran