Blob - Fluido mortale

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Blob
Blob - Fluido mortale
Blob fluido mortale.png
La Lee Payton in na figùra dal film
Masa - Flùid murtàl
1958
Regia: Irvin Yeaworth
Scritùr: Irving H. Millgate
Kay Linaker • Theodore Simonson
Atùr: Steve McQueenAneta CorsautEarl Rowe
Olin HowlandAlden ChaseJohn Benson
George KarasStephen ChaseLee Payton
Müsica: Ralph Carmichael
Lengua: Ingléś
Dürä dal film: 86 minüt
Nasiòṅ: Stat Unî


«
Ta n pó minga descrìv'r-al, ta n pó minga śbragàr-al, gnint a pōl farmàr-al.»
(Tagline dal film)


Blob - Fluido mortale (Masa - Flùid murtàl) l è 'n film fantàstic dal 1958 'd Irvin Yeaworth, al prim cun prutagunìsta Steve McQueen ch'in alóra al s fava ciamàr incóra Steven.

'L è custâ sōl sèntdéś-mila dòlar faghénd-an sù invéci quàtar migliòṅ.

Al gh'à abû 'n arfacimènt in dal 1988 (Blob - Il fluido che uccide ad Chuck Russell) e 'n séguit in dal 1972 (Beware! The Bob ad Larry Hagman). In Itàglia la pelìcula l'à ispirâ al prugràma ad Rai 3 Blob.

Sunt

Na nòt, in un paiśèṅ dla Pennsylvania, a piōv śò da 'l cēl un meteurìte cun dèntar un quèl viṿ ch'al pâr na paparùcia rósa e cremóśa. Un vèć ch'al pasa da 'd lè (Olin Howland), al gh và datéś e al vèra 'l gus druànd un spróc. In cla manéra lè, la masa l'è libra ad vgnir fóra e la gh salta adòs ciapànd-ag la maṅ. Pîṅ ad scarésa, 'l óm al taca a scapàr via da 'd lè e al riva in sla strada in dua al vèṅ schivâ p'r un pēl da dū muruśèṅ in màchina, Steve Andrews (Steve McQueen) e la Jane Martin (Aneta Corsaut). Chi lōr i 'l càrgan sù e i al pòrtan in 'n ambulatòri lè davśèṅ.

Al dutōr T. Hallen (Alden Chase) al śgrana i òć parchè in tuta la sò vita al n à mai vdû un quèl dal gènar. Méntar 'l è vultâ da n'atra banda, la śladìna la s impinìs dal vèć tulénd-al dèntar e cupànd-al. Subìt dòp la dà adòs anc a l'infarméra, la sgnóra Kate (Lee Payton). Chi lē la próa a difénd'r-as butànd-'g adòs d'l àcid sulfànic ma a n gh'è gnint da far e anca lē la vèṅ mandàda śò da la masa. Al dutōr al s sèra dènt'r a 'l bagn cun sèg un sćiòp càrag.

In cal méntar, dòp avér pasâ la sira insém a di sò amìg, Steve al decìd ad turnàr in d'l ambulatòri par savér cum al stà al vèć ma al fà sōl in tèmp a védar al dutōr murìr magnâ viṿ da la paparùcia.

Méntar la pulisìa la n créd briśa a 'l sò paròli, la śladìna la sa spòsta in un cìnema pîṅ ad śóvan.

Culegamènt estéran