Black Hole (film 2006)
|
C'l artìcul chè 'l è scrit in
Miranduléś |
 The Black Hole
| ||
| Black Hole | ||
.png) La Swanson e Judd Nelson in na figùra dal film | ||
| Buś négar 2006 | ||
|---|---|---|
| Regìa: Tibor Takács | ||
| Scritōr: Kenneth M. Badish Boaz Davidson • David Goodin | ||
| Atōr: Judd Nelson • Kristy Swanson • Tim Snay Heather Dawn • Jennifer Lyn Quackenbush David Selby • Julia Sinks • Chris Nolte | ||
| Müsica: John Dickson | ||
| Léngua: Inglés | ||
| Dürä dal film: 90 minüt | ||
| Nasiōṅ: Stat Unî • Germàgna | ||
Black Hole (Buś négar) 'l è 'n film catastròfic dal 2006 ad Tibor Takács girâ par la televiśiòṅ c'n un budget ad tri migliòṅ e mèś ad dòlar.
Sunt
Un grup ad siensiâ dal Midwest dl'università 'd Saint Louis, cmandâ p'r al dutōr Hauser (Kevin Beyer), 'l è drē a far di esperimènt par far un buś négar artifisiàł ch'a gh'è da bàt'r i cinéś ch'i èṅ avànti in di sò studi. A n sèrt punt la Shannon Muir (Kristy Swanson), mémbra dal staff, la capìś ch'a gh'è quèl ch'a traśa in di laburatòri dal sèntar. Hauser e 'l sò culaburadōr Kent (Dan Buran) i vàn'n a véd'r in di repàrt ad sóta e i finìsan ciuciâ dènt'r a 'l buś négar ch'al s è śvilupâ da par lò.
Da 'l laburatòri a partìs da tut: taramòt e anc 'n èsar 'd energìa ch'al taca a spustàr-as par la sità pasànd p'r fii di pai dla luś. I rìv'n i militàr par capìr cuś a pōl èsar sucès e i daṅ 'l órd'n ad śgumbràr la sità dal Missouri. In cal méntar la Shannon la ciàma in ajùt al dutōr Eric Bryce (Judd Nelson), èx culéga 'd Hauser in dal prugèt ch'adès al viṿ da par lò dòp che sò mujēr, la Beth (Jennifer Lyn Quackenbush), la s 'n è andàda via daśgustàda sèg, insém a sò fiōla Kayley (Julia Sinks).
Al generàł Ryker (David Selby) al s mét a cap dla misiòṅ. Insém a lò a gh'è anc la sergìnta Alicia Bennet (Heather Dawn) e 'l capuràł Hendricks (Chris Nolte). Al generàł Tate (Peter Mayer), par cònt dal presidènt di Stat Unî (Ermal Williamson), al mét présia a Eric par catàr na sulusiòṅ in tri óri o sinò i èṅ bèla prònti dal bómbi atòmighi da tiràr adòs a 'l buś négar.