Birmingham (Alabàma)
|
C'l artìcul chè 'l è scrit in
Miranduléś |
Birmingham (a s lèś /ˈbɜːrmɪŋhæm/ in ingléś) l'è na sità di Stat Unî ad duśènt-dódas-mìla abitànt a 'l incìrca, la più granda dal stat d'l Alabàma anc se 'l è da i an Ssanta ch'la in pèrd tut i an, in alóra difàti la in muciàva da piò ad tarśènt-quarantamìla. Tgnénd adrē a 'l censimènt dal 2010 la sò gint l'è négra p'r al 73,4%, biànca p'r al 22,3% e ispàniga p'r al 3,6%.
La sità, ch'la s cata in dla cuntèa ad Jefferson, l'è stada tiràda sù in dal 1871 dòp la Guèra 'd secesiòṅ americàna in unōr dla sità ingléśa 'd Birmingham esénd ch'i sò abitànt i éran da spés uriginàri dl'Inghiltèra. Al sò clima 'l è sub-trupicàl ùmid.
In dal cōrs dal XIX sécul la sità l'è stada 'l più impurtànt sènt'r industriàł ad Dixie Land, laurànd fèr e asàł dasfrutànd uperài 'd culōr ch'i ciapàvan pôc. In di tèmp murèran la s è dada anc a i servìsi finansiàri.
Al sò sìndig, da 'l 2017, 'l è 'l demucràtic Randall Woodfin.
Persunàǵ nâ a Birmingham
- Amber Benson, atōra
- Courteney Cox, atōra
- Carl Lewis, curidōr e saltadōr in lung
- Condoleezza Rice, pulìtiga èx segretària 'd stat