Beppe Carletti

Da Wikipedia.
Jump to navigation Jump to search
C'l artìcul chè 'l è scrit in Arzân Emiliàn
Beppe Carletti Nomadi.jpg

Giuseppe Carletti (cgnusû da tót e dapertót cme Beppe) al nâs al 12 agòst del 1946 a Nōv in pruvíncia ed Mòdna. Int al 1963, alōra 'l gh’îva sèd'ş ân, al fònda al stôrich gróp di Nomadi insèm a Augusto Daolio, Franco Midili, Leonardo Manfredini, Gualtiero Gelmini e Antonio Campari, e al n’ in dvèinta al sunadōr ed tastēri fîn a i nôste dé. Mó al sō bravitó int la mûşica a se şlêrghen ânca a tânt êter strumèin.

L’é l’ónich elemèint di fundadōr dal gróp armêş e l’é cunsiderê da i pasiunê, sèinsa discòter, al Cap dal gróp.

Da sèimper impgnê in prugèt socêl e umanitâri, tra quisché la costrusiòun ed ‘na cà ed culiĵnsa per ragasō in Cambogia e in Vietnam ind dōv' a vînen jutêdi ragâsi ublighêdi a fêr la véta fîn da céchi.

Int al 1958, al tōş pêrt a la registrasiòun dal 45 gîr Un altro giorno è andato - Il bello, ed l'amîgh Francesco Guccini.

Int al 1972 cun al scutmâj Capitan Nemo, al regéstra dû 45 gîr da per ló: 20.000 leghe / 000.02 ehgel e 20.000 leghe / Wild Thing. I désch àn vendû 120.000 côpi, e al sucès l'é stê tânt che per un pô al gróp ed Beppe a gh'é stê fât la publicitê cme I Nomadi e Capitan Nemo. Dôp la cà ed désch EMI la s'é impadrunîda dal nòm Capitan Nemo per fêr registrêr ed j êter 45 a êter muşicésta.

Al 18 fervêr 2005, al dé dal cumpleân d’ Augusto Daolio, Beppe Carletti l’é stê numinê Cavalêr ed la Repóblica Italiâna dal Presidèint Carlo Azeglio Ciampi.

Al 9 agòst al tōş pêrt insèm a tânt êter artésta al Concerto per Viareggio, cuncêrt per beneficèisa pinsê da Zucchero dôp al dişâster ed la ferovéia ed Viarèş. Int al mâg dal 2011 l'é stê presidèint ed la giuréia ed Eurovision Song Contest.

Al 22 novèmber 2011 a vîn publichê al só prém cd da per ló cun al tétol L’altra metà dell’anima e fât tót intēr da pès sunê cun di strumèint, in dóv' al sunadōr ed tastēri la vrû fêr cgnòser i sō sentimèint.

Elèinch di désch

L'elèinch di désch ed Beppe Carletti la và drē a tóta la stôria di Nomadi, da l'inési ed la préma colesiòun fîn al dé 'd incō.

Nomadi

Da per ló

Beppe Carletti

Capitan Nemo

  • 1972 - 20.000 leghe / 000.02 ehgel singolo
  • 1972 - 20.000 leghe / Wild Thing ónich, versiòun #2

Colegamèint d’ed fōra


Nôta: cla pâgina ché l'é stêda fâta cun la tradusiòun ed Beppe Carletti trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.