Battaglia nel cielo
|
C'l artìcul chè 'l è scrit in
Miranduléś |
 Batalla en el cielo
| ||
| Battaglia nel cielo | ||
 Marcos Hernández in na figùra dal film | ||
| Batàja in dal cēl 2005 | ||
|---|---|---|
| Regìa: Carlos Reygadas | ||
| Scritōr: Carlos Reygadas | ||
| Atōr: Marcos Hernández • Anapola Mushkadiz Bertha Ruiz • David Bornstein • Estela Tamariz Rosalinda Ramirez • Brenda Angulo • Chavo Nava | ||
| Müsica: John Tavener | ||
| Léngua: Spagnōl | ||
| Dürä dal film: 98 minüt | ||
| Nasiōṅ: Mèsic • Bélgi Frància • Germàgna • Ulànda | ||
Battaglia nel cielo (Batàja in dal cēl) 'l è 'n drama eròtic dal 2005 scrit e dirèt par Carlos Reygadas.
La pelìcula l'è stada preśentàda a 'l 58śum Fèstival ad Cannes.
Sunt
Marcos (Marcos Hernández) al gh'à sinquant' an e 'l è spuśâ cun na budlòna (Bertha Ruiz) ch'la gh'à dâ soquànt fiōi. Ad mistēr al fà 'l vigilànt e 'l autìsta 'd un generàł d'l eśèrcit mesicàṅ e 'l è respunsàbil dla sicurésa durànt la serimògna dal léva-bandéra in dla piàsa dal tri cultùri a Sità dal Mèsic.
Un dè, durànt al rapimènt 'd un baghét par far sù di bèsi, al putèṅ al finìs par murìr par na daśgràsia. Marcos al decìd ad cuntàr cal brut fat lè ch'a gh'è sucès a la fiōla dal militàr sò cap, na ragàsa ciamàda Ana (Anapola Mushkadiz) ch'la s prustituìs par visi, anc cun lò. Dòp n'atra giurnàda 'd sès sèg, 'l óm al finìs par scurtlàr-la masànd-la, pò al và in prucesiòṅ in śnòć par lavàr via i sò pcâ.