Antichrist

Da Wikipedia.

C'l artìcul chè 'l è scrit in Miranduléś Emiliàn

Antichrist
Antichrist

Willem Dafoe e la Gainsbourg in na figùra dal film
Anticrìst
2009
Regìa: Lars von Trier
Scritōr: Lars von Trier
Atōr: Willem DafoeCharlotte Gainsbourg
Storm Acheche Sahlstrøm
Müsica: Kristian Eidnes Andersen
Léngua: Ingléś
Dürä dal film: 109 minüt
Nasiōṅ: DanimàrcaŚvèsiaItàglia
GermàgnaPulògnaFrància


«
Quànd la natùra la dvènta 'l mâł, al terōr, qvél véra, al spèta.»
(Tagline dal film)


Antichrist (Anticrìst) 'l è 'n film ad scarésa eròtic dal 2009 scrit e dirèt par Lars von Trier. 'L è stâ preśentâ in cuncōrs a 'l 62śum Fèstival ad Cannes in dua la Charlotte Gainsbourg l'à vins al prèmi par l'atōra mijóra.

La pelìcula, dedicàda a 'l regìsta rus Andrej Arsen'evič Tarkovskij, l'è custàda ùndas migliòṅ ad dòlar ma la n è stada minga bòna ad rivàr gnanc a utsènt-mila dòlar 'd incàs.

Sunt

(Willem Dafoe) e (Charlotte Gainsbourg) i èn na còpia 'd spóś. Na sira, mént'r i ciùlan in dla cambra da lèt e i s la gòdan, i n fàṅ minga a mènt che sò fiōl pìcul, Nick (Storm Acheche Sahlstrøm), al s è daśdâ. Al putèṅ al finìs śò par la fnèstra e al mōr in na fréda giurnàda 'd néṿ.

'L óm 'l è 'n psicòlug e al próa a jutàr sò mujér a tiràr-as sù anc s'al n prév minga. La dóna la gh rinfàcia ch'l è sèmpar stâ dastacâ in di cunfrònt dla famìja, lò al diś ch'l'éra stada lē a vlér armàgnar da par lē cun Nick par scrìv'r un lìbar. In séguit a la dóna i gh vènan di atàc 'd angóstia e ad pànig e sò marè al próa a far-ag na terapìa psiculògica.

Culegamènt estéran