Anna Tatangelo

C'l artìcul chè 'l è scrit in Miranduléś

«

Ma che bravo, ma questa parte di te davvero la ignoravo, non me l’aspettavo davvero, è come bere il più potente veleno, è amaro, non recuperare ti prego, tanto più parli e ancora meno ti credo, peccato, lascia al silenzio la sua verità, aspetta, voglio dirti quello che sento, farti morire nello stesso momento, bastardo! Voglio affrontarti senza fare un lamento, voglio bruciarti con il fuoco che ho dentro per poi vederti cenere, bastardo! Far soffiare su di te il vento, io spezzata in due dal dolore mentre ti amavo tu facevi l’amore per gioco, lasciami sognare la vita, l’hai detto tu quando è finita è finita, io vado.»

(FR)(Bastardo, 2011)

«

At sē brav và là, a n t cgnusìv briśa da cal punt lè, a n m al spetàva minga dabòṅ, 'l è cuma bévar al più fòrt di vlèṅ, 'l è amâr, sito par piaśér, tant più at dascór e méno a t créd, 'l è un pcâ, lasa ch'al silènsi al gh'àppia la sò verità, spèta 'n àtim, a vój dir-at quél ch'a sènt, far-at murìr in cal mèntar, bastàrd! A vój ténd'r-at tèsta sénsa 'n lamènt, a vój bruśàr-at cun al fōg ch'a gh'ò dèntar par pò véd'r-at ardùt in séndra, bastàrd! Far supiàr-'t al vènt adòs, mè scavśàda in dū p'r al dulōr mèntar a t vliva bèṅ tè at fav 'l amōr par śōg, tè 't 'l à dit, quànd l'è finìda l'è finìda, mè a vag.»

(MUD)

Anna Tatangelo (Sora, 9 ad Śnar dal 1987) l'è na cantànta itagliàna dal Lasi ch'la s è fata cgnósar in dal 2002 quànd l'à vins a quind'ś an al Festival di Sanremo dal 2002 in dla sesiòṅ di śóvan cun al braṅ Doppiamente fragili e pò par 'l àlbum Attimo x attimo dal 2003.

Al sò repertòri al s baśa principalmènt in sla mùśica pop (cun di pcòṅ melòdic in di braṅ scrit par lē dal napuletàṅ Gigi D'Alessio), ma anc fusion in dal sò quìnt lavōr Progetto B. In di sò tèst a s dascór 'd argumènt suciài e dal dè 'd incō cuma al cundisiòṅ dal fémni, 'l òdi in di cunfrònt di fnòć, i distûrb in dal magnàr e al viulénsi còntra 'l dóni. A partìr da 'l 2007 l'à anc tacâ a scrìvar soquànt di sò pès.

Par siē vòlti l'à cantâ a 'l Festival ad Sanremo. In dla sò caréra l'à vindû da piò ad sinc-sènt-mila còpi.

L'è cumpagnàda a 'l cantànt Gigi D'Alessio (che par lē 'l à mulâ sò mujér) e sèg la gh'à 'n fiōl, Andrea, nâ al 31 ad Mars dal 2010.

Biugrafìa

Discugrafìa

Àlbum

Attimo x attimo 2003
Ragazza di periferia 2005
Mai dire mai 2007
Nel mondo delle donne 2008
Progetto B 2011

Televiśiòṅ

Sanremo Top Raiuno, 2002 - Cundutóra
Playlist Italia Video Italia, 2004/2006 - Cundutóra
X Factor Raidue, 2010 - Giùdas
Ballando con le stelle Raiuno, 2012 - Cuncurénta

Culegamènt estéran

(IT) Al sò sit uficiàŀ