Amore e altre catastrofi

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Love and Other Catastrophes
Amore e altre catastrofi
Amore catastrofi.png
Na figùra dal film
Amōr e àtar diśàstar
1996
Regia: Emma-Kate Croghan
Scritùr: Stavros Kazantzidis • Yael Bergman
Emma-Kate Croghan • Helen Bandis
Atùr: Frances O'ConnorAlice GarnerMatt Day
Matthew DyktynskiRadha MitchellKym Gyngell
Müsica: Oleh Witer
Lengua: Ingléś
Dürä dal film: 79 minüt
Nasiòṅ: Austràglia


«
Nuàtar a vlém bèṅ parchè 'l amōr 'l è dabòṅ l'ùnic quèl aventuróś»
(Tagline dal film)


Amore e altre catastrofi (Amōr e àtar diśàstar) 'l è na cumèdia rumàntica austragliàna dal 1994 dl'Emma-Kate Croghan ch'in alóra la gh'iva sōl vint-a-tri an.

Girâ in tri stmani cun un budget ad 35.000 dòlar, al film 'l è stâ preśentâ a 'l Festival ad Venèsia dal 1996.

Sunt

L’Alice (Alice Garner) e la Mia (Frances O'Conner) i èṅ dū studénti ad cìnema ch'i viv'n insém, in 'n apartamènt tirâ fóra da 'n magaśèṅ, par spartìr-'s al spéśi. Par star-ag dèntar méj, i 'n péscan n'atra. Qvala lè la prév èsar la Danni (Radha Mitchell), la muróśa dla Mia, ch'la vrév andàr a vìvar sèg ma la Mia la n è mia 'd acòrd parchè la n vōl briśa impgnàr-as e pò la relasiòṅ fra 'l dū dóni l'è in criśi.

Da 'l cant suo l’Alice, ch'l'è puta da dimóndi tèmp e ch'in cal méntar l'è drē a butàr śò na téśi ch'la dascór dla Doris Day cuma lutadōra p'r i dirìt dal fémni, la pésca un ragàs ch'al la capìsa e ch'al sia sćèt sèg. La pèrd la tèsta p'r Ari (Matthew Dyktynski), un studènt ad létri, sénsa far a mènt che Michael (Matt Day), un tìmid studènd ad madśìna, 'l è inamurâ ad lē. Quànd Ari al gh diś che l’Alice la pésca 'n inquilèṅ, Michael al s fà avànti e al s mét 'd acòrd cun la Mia p'r andàr a star a cà dal dū śóvni. La Danni la 'l vèṅ a savér e la s arlìa dimóndi ma pò la sa spiéga cun la Mia turnànd-'g insém.

Durànt na fèsta in dua i śóvan i gh'aṅ da dir quàl i sìan i sò film preferî e parchè, Michael al cata al curàǵ ad tiràr fóra qvél ch'al sènt. Omnia vincit amor, 'l amōr al vins incòśa.

Culegamènt estéran