Ammazzavampiri

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Fright Night
Ammazzavampiri
Ammazzavampiri.png
William Ragsdale in na figùra dal film
Masa-vampîr
1985
Regia: Tom Holland
Scritùr: Tom Holland
Atùr: Chris SarandonWilliam Ragsdale
Amanda BearseRoddy McDowallArt Evans
Stephen GeoffreysJonathan StarkBob Corff
Müsica: Brad Fiedel
Lengua: Ingléś
Dürä dal film: 106 minüt
Nasiòṅ: Stat Unî


«
A gh'è di mutìṿ vàlid p'r avēr paùra dal scûr.»
(Tagline dal film)


Ammazzavampiri (Masa-vampîr) 'l è 'n film ad scarésa americàṅ dal 1985 ad Tom Holland ch'al 'l à anc scrit. Al gh'à abû 'n séguit tri an dòp da 'l tìtul Ammazzavampiri 2 e 'n arfacimènt in dal 2011 cun Colin Farrell, Fright Night - Il vampiro della porta accanto.

Custâ manc déś migliòṅ ad dòlar, al film al 'n à fat pò sù dagnóra vint-sinc.

Sunt

Charley Brewster (William Ragsdale) 'l è 'n śōvan ch'al và mat p'r i film ad scarésa su i vampîr. Na nòt, méntar 'l è in cambra cun la sò muróśa Amy Peterson (Amanda Bearse), al buta 'l òć fóra da la fnèstra faghénd a mènt ch'al sò vśèṅ ad cà nóṿ Jerry Dandridge (Chris Sarandon) 'l è drē a purtàr via na casa da mòrt insém a 'n tisi ciamâ Billy Cole (Jonathan Stark). Esénd che da quànd 'l è rivâ lè Jerry i èṅ tacàdi a murìr dal dóni masàdi, Charley al taca a crédar che chi lò al sia 'n vampîr dabòṅ.

Ninsòṅ però a créd a i sò suspèt, mia sò màdar Judy (Dorothy Fielding) e gnanc al sò amìg Ed (Stephen Geoffreys) o la pulisìa. Al ragàs al decìd acsè ad dmandàr ajùt a 'l sò atōr preferî, Peter Vincent (Roddy McDowall), òṅ che na vòlta al gh'iva sucès mo ch'adès al s è ardùt a tōr part a 'n telefìlm da 'l tìtul „Óri 'd scarésa“ in du 'l dà la casa a i ciùcia-sànguv.

Culegamènt estéran