American Gothic (quàdar)

Da Wikipedia.

C'l artìcul chè 'l è scrit in Miranduléś Emiliàn

Al quàdar “American Gothic”


American Gothic 'l è 'n dipìnt a òli e téla (74,3×62,4 cm) ad Grant Wood fat in dal 1930 ch'al s cata a l'Art Institute ad Chicago.

Al figùra 'n cuntadèṅ ch'al gh'à in dla maṅ dèstra 'n furcàr. Darènt a lò a gh'è sò fiōla puta (o sò mujér) ch'la gh'à adòs na vésta ch'i purtàv'n al dóni dal sécul pasâ méntar da drē a gh'è la sò cà 'd légn in stîł ruràl “Carpenter Gothic”.

L'è una dal figùri artìstichi americàni più cgnusùdi dal XX sécul.

Al pitōr 'l à decìś ad far-al pasànd davànti a na cà a Eldon in dal stat d'l Iowa, pinsànd a 'l gèn'r ad gint ch'la gh psiva star dèntar. Quànd pò 'l artìsta 'l à vindû 'l quàdar a 'n muśèo 'd Chicago, in cambi ad tarśènt dòlar e na mdaja 'd brónś, gl'abitànt d'l Iowa i s èṅ dimóndi arliâ sèg parchè i n vlìvan briśa pasàr cuma di sugèt màgar, puritàṅ, fundamentalìsta e lurgnòṅ tant che na cuntadìna dal pòst la gh i à prumìsi dgénd ch'la gh'arév dastacâ 'n uréć a murśgàdi.

Culegamènt estéran