Amanti d'oltretomba
|
C'l artìcul chè 'l è scrit in
Miranduléś |
 Amanti d'oltretomba
| ||
 Muller, Battaglia e la Steele in na figùra dal film | ||
| Gl'amànt dal da 'd là 1965 | ||
|---|---|---|
| Regìa: Mario Caiano | ||
| Scritōr: Mario Caiano • Fabio De Agostini | ||
| Atōr: Barbara Steele • Paul Muller • Marino Masé Helga Liné • Rik Battaglia • Giuseppe Addobbati | ||
| Müsica: Ennio Morricone | ||
| Léngua: Itagliàṅ | ||
| Dürä dal film: 101 minüt | ||
| Nasiōṅ: Itàglia | ||
Amanti d'oltretomba (Gl'amànt dal da 'd là) 'l è 'n film gòtic ad scarésa girâ in biànc e négar dal 1965 ad Mario Caiano ch'al s firma cuma “Allen Grünewald”.
Sunt
Al dutōr Stephen Arrowsmith (Paul Muller) 'l e 'n siensiâ ch'al fà di esperimènt su 'l rani e ch'al viṿ insém a sò mujér Muriel (Barbara Steele) in dal castèl ad lē ch'la gh'à anc na surèla mèśa mata ch'la gh sumìlia dimóndi, la Jenny (Barbara Steele). I fat in cà la i fà la vècia guernànta Solange (Helga Liné), una cun di prubléma a la pèl, insém a Jonathan (Giuseppe Addobbati).
Quànd un dè Stephen al partìs par lavōr, la Muriel la và subìt a gusàr in dla sèra c'n al sò amànt David (Rik Battaglia) ma cla braghéra dla Solange, ch'l'è 'd acòrd c'n al sò padròṅ, la véd incòsa. Al dutōr, dòp avér-i ciapâ e turturâ, al i cópa par psēr acsè purtàr-'s a cà tut i bèsi dla sò dóna ma lē in cal méntar l'iva cambiâ 'l testamènt par lasàr tut a sò surèla anc s'la fava fadìga a cumpatìr-'s-la. Stephen, c'n òṅ di sò esperimènt e druànd al sangṿ ad sò mujér, al rénd śōvna ch'la tarulìda dla Solange e al dvènta 'l sò amànt e pò al spóśa la Jenny cun l'idéa ad far-la dvintàr mata dal tut e tgnir-as lò incòsa.
A sucéd acsè ch'la Jenny la taca a insuniàr-as di fat sucès a la surèla e a far di quèi a l'arvèrsa tant che Stephen al ciàma al dutōr Dereck Joyce (Laurence Clift), ch'al gh tgniva adrē in clìnica, sprand ad mandàr-la in manicòmi par sèmpar. A pâr però ch'a cuntrulàr la Jenny a sia pròpria la Muriel.