Amantes - Amanti

Da Wikipedia.

C'l artìcul chè 'l è scrit in Miranduléś Emiliàn

Amantes
Amantes - Amanti

La Victoria Abril e Jorge Sanz in na figùra dal film
Amànt
1991
Regìa: Vicente Aranda
Scritōr: Álvaro del Amo
Vicente Aranda • Carlos Pérez Merinero
Atōr: Victoria AbrilJorge SanzMaribel Verdú
Enrique CerroMabel EscañoAlicia Agut
José CerroGabriel LatorreSaturnino García
Müsica: José Nieto
Léngua: Spagnōl
Dürä dal film: 103 minüt
Nasiōṅ: Spaggna


«
Al triàngul dla mòrt.»
(Tagline dal film)


Amantes - Amanti (Amànt) l'è na pelìcula dramàtica e eròtica dal 1991 ad Vicente Aranda pinsàda a 'l inìsi par vgnir fóra cuma 'n film par la TV a 'l intèran dla série La huella del crimen dla RTVE.

L'è stada bòna 'd vìns'r al Lèòṅ 'd Òr a 'l Fèstival ad Berlîṅ, par l'atōra prutagunìsta Victoria Abril, e dū Prèmi Goya p'r al film e par la regìa.

Sunt

Vèrs la mità di an Sinquànta, in dla Madrid ad Francisco Franco, al suldâ Paco (Jorge Sanz), finî al servìsi militàr, al decìd 'd armàgn'r in dla capitàł spagnōla par catàr lavōr. Da 'l cant suo, la sò muróśa Trini (Maribel Verdú) l'à mis da na banda dimóndi bèsi faghénd la dóna di fat a cà dla famìja dal cmandànd ad Paco (Enrique Cerro). Chi lò al gh cata 'n pòst in na furnàś dla sità ma 'l śōvan al gh dà a muć dòp pôc tèmp parchè al n è minga un mistēr par lò.

Spetànd ad spuśàr-as cun la Trini, Paco al tōś in afìt na cambra da na dóna più granda 'd lò, la Luisa (Victoria Abril), na védva ch'la tira avànti cun di tragatèṅ e fargànd la gint. Chi lē, esénd incóra na bèla dóna, la gh mét pôc a far pèrdar la tèsta a 'l śuvnòt ch'la gh'à in cà e la s al pòrta a lèt. La Trini la 'l vèṅ a savēr e la decìd ad far-as gusàr par la prima vòlta da Paco, su cunsìli dla mujér dal cmandànt, l’Elvira (Mabel Escaño), in manéra ad tiràr-al da la sò banda definitivamènt. A 'l inìsi a pâr ch'la l'àppia abùda vinsa lē ma quèla là la n céd briśa.

Culegamènt estéran