Alexia

C'l artìcul chè 'l è scrit in Miranduléś

«

Goodbye, enough is enough for me baby, you'd better get out of my life and if you come back to me maybe, remember i told you goodbye.»

(EN)(Goodbye, 1999)

«

Adìo, par mè quànd 'l è abàsta 'l è abàsta teśôr, a sarév méj ch't andìs fóra da la mè vita e se par caś at gh'is da turnàr indrē, arcòrda't ch'a t ò dit adìo.»

(MUD)

L’Alexia, nóm 'd art dl’Alessia Aquilani (La Spèsia, 19 ad Maǵ dal 1967), l'è na cantànta e cumpuśidōra pop, dance, soul, blues e rock itagliàna.

Dòp 'n inìsi 'd caréra in dal camp eurodance cantànd in ingléś, in du la s è fata cgnósar laurànd par Roberto Zanetti dand la vóś a soquànd braṅ di Double You e 'd Ice MC cuma Think About the Way e It's a Rainy Day, in dal 1995 la taca a cantàr par sò cònt faghénd di pès cgnusû anc a 'l èstar cuma Me and You, Summer Is Crazy, Gimme Love e Goodbye.

In séguit la cantànta lìgura la càmbia regìst'r e gènar tacànd a cantàr in itagliàṅ, miténd insém un secónd e 'n prim pòst a 'l Fèstival ad Sanremo in dal 2002 (Dimmi come) e 2003 (Per dire di no).

In tut l'à vindû da piò ad siē migliòṅ ad disc e la gh l'à cavàda a piasàr déś sìngui top ten e quàt'r a 'l nùm'r òṅ.

Da 'l 2005 l'è spuśàda cun Andrea Camerana, anvōd dal stilìsta emigliàṅ Giorgio Armani.

Discugrafìa

Àlbum

1997 - Fan Club
1998 - The Party
1999 - Happy
2001 - Mad for Music
2002 - Alexia
2003 - Il cuore a modo mio
2004 - Gli occhi grandi della Luna
2008 - Alè
2009 - Ale & c.
2010 - Stars
2013 - iCanzonissime
2015 - Tu puoi se vuoi
2017 - Quell'altra

Racòlti

2000 - The Hits
2005 - Da grande

Culegamènt estéran