Albrecht Dürer

Da Wikipedia.

C'l artìcol chè 'l è scrit in Carpśàn Emiliàn

'N òli in sìm' a na tèvla 'd lègn cun 'l artràt ed se stès

Albrecht Dürer (Norinbèrga, 21 ed màś dal 1471 - lè, 6 'd avrìl dal 1528) 'l è 'l artìsta più famōś edl Arnasimèint tudèsc, cgnusû in tut al mond p'r al só pitùri, disègn, inciśiòun e scrìt ed teorìa edl'èrt. Dürer 'l avrèv influèinsê dimòndi artìsta dal XVI sécol, sìa tudèsc che olandéś, e 'l tulìva anca l'apresamèint ed mìster itagliàṅ cme dal Rafaêl. El só stampi i avrèven avû na gran difuśiòun e i avrèv'n ispirê dimòndi artìst ch'i gnìven dòp.

A è gnû in sà, infìn ai noster dè, dimòndi documèint ch' i s ciacàren ed lò, cuma la só corespundèinsa, soquànt só scrìt, i só disègn cun dal só noti puntuèli. Tut cal materièl chè al s à jutê a capir dimòndi qualitê edla só ōvra. Dop 'd avér lavurê cun dal rigór e brevitù in dla pitùra, anc 'l imperadōr Masimiliàṅ I al s interesèva ed lò e al gh cmandèva soquànt artràt. In dla só maturitê, Dürer 'l era stê impgnê de più in dla scritùra ed soquànt tratê in sìm' ai amśùri e a 'l proporsiòun dal corp edl òm.

Vóś lighèdi

Colegamèint estèren

Èter progèt