Albert Nobbs
|
C'l artìcul chè 'l è scrit in
Miranduléś |
 Albert Nobbs
| ||
 La Wasikowska e la Close in na figùra dal film | ||
| id. 2011 | ||
|---|---|---|
| Regìa: Rodrigo García | ||
| Scritōr: Gabriella Prekop • John Banville Glenn Close • George Moore • István Szabó | ||
| Atōr: Glenn Close • Mia Wasikowska • John Light Janet McTeer • Aaron Johnson • Pauline Collins Brendan Gleeson • Aaron Taylor-Johnson | ||
| Müsica: Brian Byrne | ||
| Léngua: Ingléś | ||
| Dürä dal film: 113 minüt | ||
| Nasiōṅ: Stat Unî • Régn Unî • Irlànda • Frància | ||
Albert Nobbs (id.) 'l è 'n film dramàtic dal 2011 ad Rodrigo García candidâ a tri Prèmi Òscar: atōra prutagunìsta (Glenn Close), atōra minga prutagunìsta (Janet McTeer) e truc.
Custàda siē migliòṅ 'd euro, la pelìcula l'à pò fat sù òt migliòṅ e mèś ad dòlar a 'l incìrca. In dla culòna sunóra dal film la Sinéad O'Connor la canta 'l braṅ Lay Your Head Down.
Sunt
Dublîṅ, 1898. Albert Nobbs (Glenn Close) al fà 'l camarēr in d'l hutèl dla duchésa Baker (Pauline Collins) ma a s trada dna dóna ch'la s travestìs da masć sōl par psēr lauràr e muciàr sù di bèsi abàsta par vèr'r un paltèṅ tut da par lē. Ninsòṅ al fà a mènt a 'l sò segrét ma 'n dè al śbiangśèṅ Hubert Page (Janet McTeer) al la véd in regipèt in dal méntar ch'la s gratàva par la spiùra dna pulga e 'l capìs incòśa. Albert al gh'à paùra 'd pèrd'r al pòst e 'l dmanda a Hubert 'd a n dir gnint a ninsòṅ e chi lò al gh diś ch'al gh pōl cuntàr sù e in dal mént'r al s vèra 'l giaghét faghénd-ag védar ch'al gh'à dal téti anc lò e ch'l à tacâ a far cal mistēr lè par magnàr imparànd da 'l sò èx marè ch'al la piciàva.
In cal méntar la sgnōra Baker la tōś a lauràr sèg un ragàs par giustàr la stua, Joe Mackins (Aaron Johnson). Chi lò al s inamóra prèst dla camaréra Helen (Mia Wasikowska) e i dū i tàcan na relasiòṅ.
Vdénd che Hubert 'l è stâ bòṅ ad spuśàr-as cun na sarta ciamàda Cathleen (Bronagh Gallagher), faghénd la part d'l óm davànti a tut, Albert al vrév far àtar tant e 'l dmanda a l’Helen ad tacàr a 'ndàr fóra insém. La ragàsa la cònta tut a 'l sò muróś ch'al gh sugerìs ad star-ag par far-as far di rigài da lò e psēr acsè, un po' a la vòlta, far sù di bèsi par pagàr-'s i bijét p'r andàr a star insém in Amèrica.