Affetti & dispetti

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg La Nana
Affetti & dispetti
Affetti & dispetti.png
La Catalina Saavedra in na figùra dal film
Afèt & Daspèt
2009
Regia: Sebastián Silva
Scritùr: Sebastián Silva • Pedro Peirano
Atùr: Catalina SaavedraClaudia Celedón
Mariana LoyolaAlejandro GoicAnita Reeves
Agustín SilvaMercedes VillanuevaLuis Dubó
Müsica: Pedro Soubetcaseaux
Lengua: Spagnōl
Dürä dal film: 103 minüt
Nasiòṅ: CîlMèsic


«
Lì lē l'è dagnóra part dla famìja.»
(Tagline dal film)


Affetti & dispetti (Afèt & Daspèt) l'è na cumèdia dramàtica dal 2009 ad Sebastián Silva.

La pelìcula, ch'l'à vins dimóndi prèmi in gir p'r al mónd, l'è stada preśentàda a 'l 25śum Sundance Film Festival.

Sunt

Mundo Valdés (Alejandro Goic) e sò mujér Pilar (Claudia Celedón) i èṅ na famìja ciléna 'd Santiâg cun di bèsi. A sarvìr in cà, da piò ad vint an, a gh'è la puta Raquel (Catalina Saavedra) ch'la và 'd acòrd c'n i fiōi dla còpia, specialmènt cun Lucas (Agustín Silva), ma minga tant cun la Camila (Andrea García-Huidobro). Mundo al s pasa 'l tèmp śugànd a golf o faghénd dal nâṿ miténd insém di pès òṅ a la vòlta.

Quànd a la Raquel i gh tàc'n a vgnir di brut mâi ad tèsta, la Pilar la próa a purtàr a cà dgl'atri dóni par jutàr-'g a far i fat, cuma la peruviàna Mercedes (Mercedes Villanueva) e la Sonia (Anita Reeves) da 'l caràtar ghignóś, ma la Raquel l'è tròp gelóśa dla sò famìja e acsè la fà da tut par paràr-li via. Quànd però a riva la Lucy (Mariana Loyola), al dū dóni i dvènt'n amìghi dabòṅ tant ch'la nóva rivàda la l'invìda a la séna 'd Nadâl di suo.

Culegamènt estéran