Adolescenza inquieta (film 2004)

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Book of Love
Adolescenza inquieta
Adolescenza inquieta (film 2004).png
Simon Baker e la O'Connor in na figùra dal film
Giuinésa minga chiéta
2004
Regìa: Alan Brown
Scritōr: Alan Brown
Atōr: Frances O'ConnorGregory Smith
Simon BakerBryce Dallas HowardAri Graynor
Joanna AdlerSabrina GrdevichVan Hughes
Müsica: Stewart Wallace
Léngua: Ingléś
Dürä dal film: 83 minüt
Nasiōṅ: Stat Unî


«
Al ragàs 'd Everwood 'l è turnâ... Un matrimòni fliś al prév èsar ruinâ!»
(Tagline dal film)


Adolescenza inquieta (Giuinésa minga chiéta) l'è na cumèdia dramàtica americàna dal 2004 scrita e dirèta p'r Alan Brown, preśentàda a la 20śma edisiòṅ dal Sundance Film Festival.

La pelìcula l'à muciâ sù un migliòṅ e quàt'r ad dòlar a 'l incìrca.

Sunt

David Walker (Simon Baker) 'l è 'n prufesōr ad stòria espèrt di fat dla Cambògia. Na sò studènta ciamàda Heather (Bryce Dallas Howard), in segrét, l'à ciapâ na còta par lò anc s'l è bèla spuśâ cun l’Elaine (Frances O'Connor). Chi lē, fra na cantàda a 'l pianobar e 'n cōrs ad yoga, la cgnós un ragàs ad séd'ś an ch'al vénd di ślâ, Chet Becker (Gregory Smith), e la taca a 'ndàr fóra sèg insém a sò marè.

Dà'g incō e dà'g admàṅ, l’Elaine la finìs a lèt c'n al ragàs ch'l è 'n àtar quèl rispèt a sò marè ch'invéci al ténd a vgnir subìt quànd a s trata 'd gusàr sèg. Quànd David al s rénd cònt di còran ch'la gh'à fat, al decìd listés ad pardunàr-la e Chet cumpàgn, tant ch'i decìdan 'd andàr a 'l Walt Disney World Resort insém.

Na còpia 'd lèśbichi amìghi di Walker, la Lilian (Sabrina Grdevich) e la Melissa (Joanna Adler), i vrévan che David al gh dis dla sò śbòra parchè i vrév'n avēr fiōl e anc l’Elaine l'insìst dimóndi. 'L óm al decìd ad far-ag cal piaśēr chè, dòp un brut incidènt in dua Chet al gh'iva insfilsâ 'n curtèl in un śnòć prima 'd partìr par la Cambògia insém a l’Heather.

Culegamènt estéran