Acqua alla gola

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Chase a Crooked Shadow
Acqua alla gola
Acqua alla gola.png
L'Anne Baxter e Richard Todd in na figùra dal film
Àqua a la góla
1958
Regia: Michael Anderson
Scritùr: David D. Osborn • Charles Sinclair
Atùr: Richard ToddAnne BaxterHerbert Lom
Alexander KnoxFaith BrookAlan Tilvern
Müsica: Matyas Seiber
Lengua: IngléśSpagnōl
Dürä dal film: 84 minüt
Nasiòṅ: Régn Unî


«
Al film ch'l à fat la stòria dal śal!»
(Tagline dal film)


Acqua alla gola (Àqua a la góla) 'l è 'n film śal in biànc e négar dal 1958 ad Michael Anderson girâ in Inghiltèra e in Catalógna.

A 'l èstar i al cgnósan cuma Sombras acusadoras in Spaggna, L'homme à démasquer in Frància e Flüsternde Schatten in Germâgna.

Sunt

La Kimberley Prescott (Anne Baxter), dita Kim, l'è la fiōla 'd 'n industriàł ch'al s è tòlt la vita par via di dèbit ch'l iva muciâ in di ùltim tèmp. La dóna, ch'l'à pardû anc sò fradèl Ward durànt na cursa in màchina, la decìd ad pasàr na vacànsa in na vila 'd famìja in dla Còsta Brava in Spaggna. Durànt la nòt a riva lè 'n óm ch'al diś 'd èsar sò fradèl (Richard Todd), scampâ a 'l incidènt parchè in màchina a gh 'n éra 'n àtar, ma lē la sà ch'a n è briśa acsè parchè lē l'à 'rcgnusû 'l cadàv'r in alóra e pò da surèla la cgnós bèṅ al sò grugn. Esénd ch'a n gh'è vèrs ch'al vaga via da par lò, lē la ciàma 'l cumisàri Vargas (Herbert Lom) ma i sò ducumènt i pàran giùst e pò al gh'à anc un tatuàǵ cumpàgn a quél ad Ward. 'L óm al pōl acsè armàgnar lè.

Al dè dòp cal tisi lè misterióś al manda via la camaréra, la sgnōra Maria (Thelma D'Aguilar), par tōr dū jutànt nóṿ par far i fat in cà, la sgnōra Whitman (Faith Brook) e Carlos (Alan Tilvern). La Kim la i próa tuti par far rivàr in dla vila sò sîṅ Chandler Brisson (Alexander Knox) par pruàr che c'l óm là 'l è 'n imbrujòṅ ma quànd lò al riva 'l arcgnós davànti a Vargas che lò 'l è pròpria Ward. Quànd al cumisàri al s in và, i quàt'r i dmànd'n a la dóna in du l'à lugâ i diamànt ad famìja ch'i èṅ sparî prima che sò pàd'r al murìs. La Kim la cunfèsa ch'i èṅ in na banca a Tàngeri e che sōl lē la i pōl andàr a tōr.

Culegamènt estéran