Ace of Base

C'l artìcul chè 'l è scrit in Miranduléś

«

I just wanna be here beside you and stay until the break of dawn, take a walk in the park when you feel down, there's so many things there that's gonna lift you up, see the nature in bloom a laughing child, such a dream, oooh, it's a beautiful life.»

(EN)(Beautiful Life, 1995)

«

I vój sōl èsar chè tèg e armàg'r-ag in fiṅ a l'alba, far dū pas in dal parc quànd ta t sènt śò, a gh'è 'n muć ad ròbi lè ch'i t pōlan tiràr sù, guardàr la natùra in fiōr e 'l surìś 'd un putèṅ, ag sógn, oooh, che bèla ch'l'è la vita.»

(MUD)

Gl’Ace of Base i èṅ un grup muśicàl pop e eurodance śvedéś ch'l è stâ bòṅ ad véndar da piò ad vint-i-òṅ migliòṅ ad disc da 'l 1993 a 'l 2002, faghénd vgnir fóra sinc àlbum in studi e soquànti racòlti. I èṅ stâ paragunâ da spés a gl'ABBA p'r al paéś d'in du i daśvgnìvan, p'r al sò stîl muśicàł e p'r al fat ch'i éran furmâ da dū óm e da dū dóni.

A 'l inìsi i sò mémbar i éran i tri fradèi Berggren (Jonas, la Jenny e la Linn dita Malin) e da 'l D.J. Ulf Ekberg. Adès la Linn, ch'l'à sèmpar patî di atàc ad pànic, e la Jenny i n faṅ più part dal grup, a 'l sò pòst i s èṅ śuntàdi la Clara Hagman e la Julia Williamson.

Fra i sò pès più cgnusû a 'rcurdém All That She Wants (nùm'r òṅ in dla clasìfica di sìngui in Itàglia, in Germâgna e in dal Régn Unî), The Sign, Beautiful Life, Life Is a Flower (druàda par la reclàm dna marca 'd asurbènt par dóni) e Cruel Summer.

Discugrafìa

Àlbum

1993 - Happy Nation (The Sign p'r al marcâ americàṅ)
1995 - The Bridge
1998 - Flowers (Cruel Summer p'r al marcâ americàṅ)
2002 - Da Capo
2010 - The Golden Ratio

Culegamènt estéran

(EN) Al sit ufisiàł dal grup