A morte Hollywood
|
C'l artìcul chè 'l è scrit in
Miranduléś |
 Cecil B. DeMented
| ||
| A morte Hollywood | ||
 La Melanie Griffith in na figùra dal film | ||
| A mòrt Hollywood 2000 | ||
|---|---|---|
| Regìa: John Waters | ||
| Scritōr: John Waters | ||
| Atōr: Melanie Griffith • Stephen Dorff • Alicia Witt Adrian Grenier • Lawrence Gilliard Jr. • Mink Stole Maggie Gyllenhaal • Eric Barry • Michael Shannon Kevin Nealon • Ricki Lake • Jack Noseworthy | ||
| Müsica: Basil Poledouris • Zoë Poledouris | ||
| Léngua: Ingléś | ||
| Dürä dal film: 87 minüt | ||
| Nasiōṅ: Stat Unî • Frància | ||
A morte Hollywood (A mòrt Hollywood) 'l è na cumèdia négra americàna e francéśa dal 2000 scrita e dirèta par John Waters. Par la part dla prutagunìsta Honey Whitlock, la Melanie Griffith l'è stada numinàda in dla categurìa “atōri lòfi” a la 21śma edisiòṅ di Razzie Awards ma l'è stada batùda par la Madonna vinsidōra par la pelìcula Sai che c'è di nuovo?. Al persunàǵ ad Cecil B. DeMented, interpretâ par Stephen Dorff, al fà riferimènt a 'l regìsta Cecil B. DeMille.
Al film, preśentâ fóra cuncōrs a 'l 53śum Fèstival ad Cannes e ambintâ a Baltimòra, 'l à fat sù sōl dū migliòṅ ad dòlar a frònt 'd un cóst ad déś.
Sunt
Al regìsta Cecil B. DeMented (Stephen Dorff), cunsiderâ un “terurìsta dal cìnema” par la sò manéra 'd giràr al sò òpri e parchè al lòta cóntar qvéi 'd Hollywood chi faṅ di lavōr dimóndi brut a sò giudìsi, al fà di film indipendènt insém a i sò culaburadōr dla troupe fóra 'd tèsta di Śbuśî 'd asàł. Chi lōr i gh'aṅ tatuâ su i bras i nóm di sò regìsta preferî cuma Otto Preminger, Andy Warhol, David Lynch, Pedro Almodóvar e Rainer Werner Fassbinder. Par la pelìcula nóva ch'al gh'à da giràr al vōl dar la part dla prutagunìsta, na dóna pruprietària dna sala cinematugràfica ch'la cumbàt cónt'r al prudusiòṅ migliardàri ch'i faṅ vgnir al lat a i śnòć, a na diva śnòb in udōr 'd Òscar, la Honey Whitlock (Melanie Griffith).
Cecil al decìd ad rapìr-la. Chi lē a 'l inìsi la fà i caprìs ma pò la s cunvìs decidénd ad lauràr sèg.