Sai che c'è di nuovo?

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Next Best Thing
Sai che c'è di nuovo?
Sai che c'è di nuovo.png
Rupert Everett e la Madonna in na figùra dal film
Sà't c'sa gh'è 'd nóṿ?
2000
Regia: John Schlesinger
Scritùr: Thomas Ropelewski
Atùr: Rupert EverettMadonnaBenjamin Bratt
Illeana DouglasMichael VartanJosef Sommer
Müsica: Richard Gabriel Yared
Lengua: Ingléś
Dürä dal film: 97 minüt
Nasiòṅ: Stat Unî


«
S'at gh'à da śbaliàr, fà'l c'n al tò mijór amìg.»
(Tagline dal film)


Sai che c'è di nuovo? (Sà't c'sa gh'è 'd nóṿ?) 'l è na cumèdia dramàtica dal 2000 ad John Schlesinger, la sò ultm'òpra prima 'd murìr tri an dòp. Custàda vint-sinc migliòṅ ad dòlar a 'l incìrca, la gh l'à cavàda pò a far cònt para.

Par la culòna sunóra dal film, la Madonna l'à incìś dū braṅ, American Pie, cover di an Stanta ad Don McLean, e la balàda Time Stood Still. Inóltar la pōl cuntàr anc su di pès 'd àtar cantànt cuma Why Does My Heart Feel So Bad? ad Moby, Bongo Bong ad Manu Chao, Don't Make Me Love You ('Til I'm Ready) dla Christina Aguilera e I'm Not in Love dl'Olive.

Sunt

L’Abbie Reynolds (Madonna) l'è na dóna dimóndi dasfurtunàda c'n i óm, 'l ùltim dla série 'l è 'n architét ad nóm Kevin Lassiter (Michael Vartan). Par campàr chi lē l'inséggna al yoga a Los Angeles e par tiràr-as sù da i daspiaśēr la s pasa 'l tèmp dascurénd dal più e dal méno c'n al sò amìg Robert Whittaker (Rupert Everett). Chi lò al prév èsar qvél giùst, pcâ ch'al sia 'n fnòć.

Un dè, dòp na bvuda 'd tròp e mèś imbariàg, i finìs'n a lèt. A pâr sōl un quèl basta ch'a sia ma invéci l’Abbie l'armàgn in stat interesànt. Quànd Robert 'l al vèṅ a savér al n sà minga cuma cumpurtàr-as méntar sò màdar Helen (Lynn Redgrave) l'è cuntènta ch'la n sà in du stâr. I dū i decìdan 'd andàr a vìv'r insém par crés'r al putèṅ ch'al gh'à da nàsar, Sam (Malcolm Stumpf). In di prim tèmp al ròbi i vànan bèṅ ma quànd lì lò al mùcia siē an, l’Abbie la cgnós un banchér ad New York, Ben Cooper (Benjamin Bratt), e la gh ś mét insém. I tàc'n i prubléma cun Robert ch'al n vōl ninsòṅ fra lò e Sam.

Culegamènt estéran