A Kind of Amerika
|
C'l artìcul chè 'l è scrit in
Miranduléś |
 Valami Amerika
| ||
| A Kind of Amerika | ||
 La Szonja Oroszlán in na figùra dal film | ||
| Un gènar 'd Amèrica 2002 | ||
|---|---|---|
| Regìa: Gábor Herendi | ||
| Scritōr: Gábor Herendi • Gyula Márton | ||
| Atōr: Tibor Szervét • Csaba Pindroch • Ila Schütz Gyözö Szabó • Eszter Ónodi • Szonja Oroszlán Ferenc Hujber • Juli Básti • László Görög | ||
| Müsica: Gábor Pálvölgyi | ||
| Léngua: Ungheréś • Ingléś | ||
| Dürä dal film: 115 minüt | ||
| Nasiōṅ: Ungherìa | ||
A Kind of Amerika (Un gènar 'd Amèrica) l'è na cumèdia ungheréśa dal 2002 ad Gábor Herendi.
Sunt
Tamás (Csaba Pindroch), Ákos (Gyözö Szabó) e András (Ferenc Hujber) i èṅ tri fradèi ungheréś ch'i vìv'n a Bùdapest. Tamás 'l è 'n regìsta 'd vìddeo e 'd reclàm ch'al vrév giràr un film e 'l è spuśâ cun na farmacìsta 'd vint-sèt an ciamàda Eszter (Eszter Ónodi). Ákos (Gyözö Szabó) 'l è 'n óm ad sucès ch'al lavóra par na dita impurtànta e ch'a gh piàś dimóndi purtàr-'s a lèt cal dóni anc s'adès al gh'à na stòria cun la Timi (Szonja Oroszlán), na biónda śvampìda ch'la lavóra par sò fradèl. La sò segretària, la Lívia (Emese Vasvári), l'è inamuràda 'd lò ma Ákos al la trata sèmpar mâł. A far-'g i fat in cà a gh pénsa sò sîna Terka (Ila Schütz) che però, piutòst che dar śò a la pólvra o a lavàr śò, la preferìs guardàr al telenuvéli a la televiśiòṅ. András (Ferenc Hujber) 'l è 'l ùltim nâ in famìja, 'l è put e a gh piàś al śōg dal lòt e la filuśufìa ma par vìvar 'l è custrét a far al pupàs p'r un bar par divertìr la gint e far-la vgnir dèntar, dòp ch'l è stâ lasâ a cà da 'l fór'n in du 'l lauràva prima.
Adès in Ungherìa 'l è rivâ 'n prudutōr ad film americàṅ, Alexander Brubeck (Tibor Szervét), ch'al vrév finansiàr a 'l 50% al film ad debùt ad Tamás. Al prubléma 'l è ch'i tri fradèi i n gh'ànan minga cl'atra part e Ákos al decìd alóra 'd gusàr na quàlc cougar p'r avēr in prèst di bèsi. Brubeck 'l è però 'n trufadōr ungheréś che prima al próa a purtàr-'s a lèt l’Eszter, pò al partìs via cun la Timi. Ma i tri fradèi i pōl'n èsar cuntènt listés parchè a 'l lòt i èṅ vgnû fóra i nùmar śugâ da András: òṅ, dū, tri, quàtar e sinc.