AKA (film)
|
C'l artìcul chè 'l è scrit in
Miranduléś |
 AKA
| ||
.png) Matthew Leitch in na figùra dal film | ||
| Àlias 2002 | ||
|---|---|---|
| Regìa: Duncan Roy | ||
| Scritōr: Duncan Roy | ||
| Atōr: Matthew Leitch • Peter Youngblood Hills Diana Quick • George Asprey • Blake Ritson Geoff Bell • Hannah Yelland • Bill Nighy | ||
| Müsica: Matt Rowe | ||
| Léngua: Ingléś | ||
| Dürä dal film: 123 minüt | ||
| Nasiōṅ: Régn Unî | ||
AKA (Àlias) 'l è 'n film dramàtic e auto-biugràfic ingléś dal 2002 scrit e dirèt par Duncan Roy, chè a 'l sò debùt.
Al tìtul dla pelìcula al s riferìs a 'n acrònim ingléś ch'a stà par „also known as“ ch'a vōl dir „cgnusû anc cuma“.
Sunt
Lóndra, Invéran dal 1978. Dean Page (Matthew Leitch) 'l è 'n śōv'n ad daśdòt an ch'al viṿ a 'l intèran dna famìja uperàja, un quèl ch'al fà fadìga a cumpatìr-as anc parchè i suo i n al màndan minga a 'l culéǵ cum al vrév lò. Sò pàdar Brian (Geoff Bell) 'l è viulènt sèg, dal vòlti anc a lèt, méntar sò màdar camaréra, la Georgie (Lindsey Coulson), la lavóra in un risturànt in du i cliènt i èṅ i pès grôs dla sucietà ingléśa, ambînt ch'la dóna la vrév frequentàr.
Un dè Dean al mòla baràca e buratèṅ p'r andàr a star a cà dla Lady Gryffoyn (Diana Quick), na dóna dl'élta sucietà prupietària dna galerìa 'd art che sò màdar la gh in dascurìva sèmpar. Dòp na litgàda cun sò fiōl Alexander (Blake Ritson), al ragàs al śgranfgna via 'l sò librét di aségn e 'l s trasferìs a Parì in du al s fà pasàr par lò in manéra da psēr far la bèla vita. In dla capitàla francéśa Dean al s fà amìg c'n un gigolò texàṅ, Benjamin Halim (Peter Youngblood Hills), ch'l al pòrta sèg in dla vila dal sò óm, David Glendemming (George Asprey), un migliardàri ch'al vrév tgnir-'s-i tut dū.
In cal mént'r i óm d'l istitùt ad crèdit che lò 'l à farga i gh dànan la casa.