7 Mummies

Da Wikipedia.

C'l artìcul chè 'l è scrit in Miranduléś Emiliàn

Seven Mummies
7 Mummies

Matt Schulze e Noel Gugliemi in na figùra dal film
7 Mumi
2006
Regìa: Nick Quested
Scritōr: Thadd Turner
Atōr: Matt SchulzeBilly WirthBilly Drago
Noel GugliemiCerina VincentDanny Trejo
Andrew BryniarskiMartin KoveMax Perlich
Müsica: James Intveld • Michael Turner
Léngua: Ingléś
Dürä dal film: 90 minüt
Nasiōṅ: Stat Unî


«
L'inśgurdìśia la n mōr mai!»
(Tagline dal film)


7 Mummies (7 Mumi) 'l è 'n film ad scarésa americàṅ dal 2006 ad Nick Quested.

'L è stâ girâ in Ariśòna c'n un budget ad sinc migliòṅ ad dòlar.

Sunt

Durànt un scarusamènt ad parśunēr in dal deśèrt americàṅ a 'l cunfîṅ c'n al Mèsic, al furgòṅ al gh'à 'n guàst ch'al parmét a i siē delinquènt, al cap Rock (Matt Schulze), Travis (Billy Wirth), Santos (Noel Gugliemi), Blade (Andrew Bryniarski), Zeus (Max Perlich) e Wallet (N.O.R.E.), ad scapàr via tulénd in ustàǵ la pulisiòta Lacy (Cerina Vincent).

Durànt la caminàda sóta 'l Sōl ch'al cōś al prédi, al grup al cata prima na mdàja 'd òr antìga par tèra pò 'n apache (Danny Trejo) ch'al gh diś la strada par pasàr la fruntéra mo anc che lè darènt a gh'è na sità fantàśma tiràda sù da i cunquistadōr spagnōi sinc-sènt an prima, su 'n teśôr in alóra tgnû 'd òć da 'n grup ad sèt prevòstar geśuît.

Inśgōrd ad bèsi, al grup al decìd 'd andàr a védar s'l è véra al racònt d'l indiàṅ e difàti la sità la gh'è dabòṅ. Kile (Martin Kove), 'l sierìf Drake (Billy Drago) e l’Isabelle (Adrianne Palicki) i gh s fàn'n incóntar, mo i èṅ di śómbi magna-carna.

Culegamènt estéran