2 Unlimited

Da Wikipedia.
Jump to navigation Jump to search
C'l artìcul chè 'l è scrit in Miranduléś Emiliàn


«
No no limits, we'll reach for the sky, no valley to deep, no mountain too high, no no limits, we'll reach for the sky, we do what we want and we do it with pride, lemme hear ya say yeah!»
(EN)(No Limit, 1993)
«
Nò minga lìmit, a rivarém a 'l cēl, gnanc na val tròp fónda, gnanc na muntàgna tròp élta, a rivarém a 'l cēl, a fém qvél ch'a vlém e a 'l fém cun argój, fâ'm sintìr ch'a dgî sè!»
(MUD)


Ray Slijngaard e l'Anita Doth

I 2 Unlimited i èṅ un grup muśicàł ulandéś eurodance e techno mis in pē in dal 1991 p'r i prudutōr bélgi Jean-Paul DeCoster e Phil Wilde, pruprietàri dal marchi, e di cantànt Ray Slijngaard (rapper) e l'Anita Doth.

In dla sò caréra i èṅ stâ bòṅ ad véndar da piò ad vint migliòṅ ad còpi in tut al mónd.

Biugrafìa

A 'l inìsi di an Nuànta i gh'aṅ abû un bèl sucès faghénd di sìngui dimóndi vindû cuma Twilight Zone (1992), No Limit, Tribal Dance (1993) e The Real Thing (1994) e dū àlbum ch'i gh l'aṅ cavàda a rivàr a 'l prim pòst dal clasìfichi ulandéśi e britànichi, No Limits e Real Things.

Dòp na racòlta dal 1995, Hits Unlimited, al grup al s è mulâ ma i prudutōr i gh'aṅ pruâ incóra ciamànd a 'l sò pòst dū cantànti, la Romy van Ooijen e la Marjon van Iwaarden, sénsa catàr però 'l sucès ad prima. In cal méntar Slijngaard e la Doth i cuntinuàvan da par lōr cuma Ray & Anita in fiṅ a 'l 2012 quànd i aṅ turnâ a lauràr cun DeCoster, incóra cuma 2 Unlimited.

In dal 2016 la cantànta Anita Doth l'à bandunâ 'l prugèt par na caréra da par lē e in Agóst la Kim Vergouwen l'à tòlt al sò pòst.

Discugrafìa

I 2 Unlimited da 'l viṿ in dal 2014

Àlbum

  • 1992 - Get Ready!
  • 1993 - No Limits
  • 1994 - Real Things
  • 1998 - II

Racòlti

  • 1995 - Hits Unlimited
  • 2004 - The Complete History

Culegamènt estéran