28 settimane dopo

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg 28 Weeks Later
28 settimane dopo
28 settimane dopo.png
Jeremy Renner in na figùra dal film
28 stmani dòp
2007
Regia: Juan Carlos Fresnadillo
Scritùr: Rowan Joffe • Juan Carlos Fresnadillo
Enrique López Lavigne • Jesús Olmo
Atùr: Robert CarlyleMackintosh Muggleton
Rose ByrneJeremy RennerHarold Perrineau
Catherine McCormackIdris ElbaImogen Poots
Emily BeechamAmanda WalkerShahid Ahmed
Müsica: John Murphy
Lengua: Ingléś
Dürä dal film: 100 minüt
Nasiòṅ: Régn UnîSpaggnaStat Unî


«
'L è 'l più murtàł di vìrus e 'l è drē a rivàr in sità.»
(Tagline dal film)


28 settimane dopo (28 stmani dòp) 'l è 'n film ad scarésa dal 2007 ad Juan Carlos Fresnadillo, séguit dla pelìcula 28 giorni dopo ad Danny Boyle.

'L è custâ quìndas migliòṅ ad dòlar e al 'n à fat sù dagnóra ssanta-sinc.

Sunt

La Gran Bretàggna l'è devastàda da n'epidemìa tarménda 'd un vìrus ch'al s davśìna a qvél dla ràbia e ch'al s traśmét cun la salìa e 'l sànguv. Cal mâł chè al fà dvintàr la gint di èsar arliâ magna-carna custrét a cupàr sénsa critèri tut chi àtar. Dòp vint-i-òt stmani 'd quaranténa, a séguit dla mòrt par fam di cuntagiâ, la situasiòṅ la pâr sistemàda, anc cun 'l ajùt d'l eśércit americàṅ dla NATO ch'al tîṅ 'd òć al teritòri dintór'n a Lóndra in du i s èṅ muciâ i scampâ. Fra 'd lōr a gh'è anc la Tammy (Imogen Poots) e sò fradlèṅ pìcul Andy (Mackintosh Muggleton) ch'i gh'aṅ la manéra ad turnàr insém a sò pàdar Don Harris (Robert Carlyle) che sōl prima 'l éra stâ custrét a bandunàr in un sit ad campàggna sò mujēr Alice (Catherine McCormack) ch'l'éra finìda in dal maṅ di rabióś.

La Tammy e Andy, andànd cónt'r a 'l règhli 'd sicurésa, i decìdan 'd andàr a pascàr sò màdar par védar s'l'è incóra viva e difàti i la càtan in dla cà da par lē e in stat cunfuśiunàł. La dóna la n gh'à minga di ségn dal mâł ma la gh'à listés al vìrus dèntar, sōl ch'la n s è minga malàda. Dand un baś a Don, ch'al s éra scuśâ sèg p'r èsar scapâ via davànti a 'l perìcul, l’Alice la gh traśmét al vìrus e 'l óm al taca a masàr tut qvéi ch'i gh càpit'n a tîr.

Al guèr'n al decìd ad starminàr tuta la gint dal pòst avénd paùra ch'al mâł al s pòsa stramnàr par tuta l'Inghiltèra. La Tammy e Andy, insém a di àtar cristiàṅ, i próan a scapàr via par salvàr-as, jutâ p'r al suldâ americàṅ Doyle (Jeremy Renner) ch'l è da la sò banda.

Culegamènt estéran