Íñigo Cervantes Huegún

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn


Íñigo in dal méntar ch'al tira 'n servìsi


Íñigo Cervantes Huegún (Irùn, 30 ad Nuvémbar dal 1989) 'l è 'n tenìsta spagnōl prufesiunìsta da 'l 2009. 'L è élt un mét'r e utànta-tri e 'l pésa stant'òt chilo. Al dróa 'l bras sinìst'r e al tira 'l arvèrs a dū maṅ. 'L è bòṅ ad dascór'r in spagnōl, in ingléś e in basc. A gh piàś śugàr su la tèra rósa e 'l sò cōlp più fòrt 'l è 'l servìsi. Sò pàdar Manuel 'l éra 'n purtēr ad fólbar ch'al śugàva in dla prima diviśiòṅ spagnōla in di an Utànta.

Al 30 ad Nuvémbar dal 2015 'l è rivâ a ès'r al nùmar stanta-dū dal mónd in singulàr. In dla sò caréra 'l à purtâ a cà siē tìtui Challenger.

Caréra

In dal 2012 al s qualìfica p'r al turnèo 250 'd Esturìl pardénd pò a 'l secónd tùran da Robin Haase par 7-5 4-6 2-6 e in Śugn al fà àtar a Wimbledon (1-6 3-6 4-6 da Michail Južnyj).

Al basc tòlt śò a Wimbledon in dal 2015

Dòp un 2013 négar, in dua 'l śóga sōl tri incóntar par via ad quàt'r uperasiòṅ a i galòṅ, a 'l gòmat e a 'n [1], al tórna a la granda in d'l ATP 500 ad Barcelóna in dua 'l riva in di utàṿ baténd Oleksandr Nedovjesov par 3-6 6-2 6-4 e Dmitrij Tursunov par 5-7 6-0 6-3.

Al 2015 al s tira sù in clasìfica vinsénd quàtar Challenger.

Nòti

  1. Al ritóran 'd Íñigo Cervantes Spazio Tennis, 26 ad Nuvémbar dal 2015

Culegamènt estéran