Éva Henger

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

L'Éva tòlta śò in dal méntar ch'la dà 'l lùst'r a 'n stivàł


L’Éva Henger (Győr, 2 ad Nuvémbar dal 1972) l'è n'atōra, persunàǵ televiśìṿ e cantànta ungheréśa cun la sitadinànsa itagliàna.

L'è dvintàda famóśa in di an Nuànta girànd di film pòran par Riccardo Schicchi, ch'l'à spuśâ in dal 1994 avénd-ag sèg dū fiōi, la Mercedesz e Riccardino, e Joe D'Amato. Al sò miśùri i èṅ 90-61-88.

Biugrafìa

La Henger, a darsèt an, la vins al tìtul ad Miss Teen Ungherìa in dal 1989 méntar 'l an dòp la firma 'n cuntràt cun l'agensìa italo-ungheréśa Blue Angels e la riva in Itàglia in du la s léga a 'l agìnt dal mónd dal spetàcul Riccardo Schicchi. Da 'l 1993 in avànti la gira soquànt film pòran faghénd di film cuma Finalmente pornostar! e Peccati di gola. In dal 1996 l'è in dal cast dla cumèdia 'd Neri Parenti Fantozzi - Il ritorno.

A la fîṅ di an Nuànta la gh dà 'n taj c'n al pòran e la taca a cantàr e lauràr in televiśiòṅ e a 'l cìnema, faghénd E adesso sesso e Le barzellette par Carlo Vanzina.

In dal 2001 la tōś part a la secónda edisiòṅ dal reality show La fattoria cundót par la Barbara d'Urso pò la tōś al pòst dla Nina Morić in dgl'ultmi puntàdi 'd Convenscion, prugràma su Rai 2 cun Enrico Bertolino e la Natasha Stefanenko. In séguit la lavóra insém a Max Tortora e a Max Giusti in dal prugràma Stracult in di pagn dla sgnōra Fottenberg.

In dl'Istâ dal 2005 la cundùś Paperissima Sprint su Canale 5 catànd dimóndi sucès fra i putèṅ. Sèmpar su Mediaset in dal 2007 l'è a cap dla squàdra dal purcùsi in Ciao Darwin ad Paolo Bonolis méntar su Italia 1 la lavóra cun Alessandro Cecchi Paone in dal quiz Azzardo.

La Henger l'à anc fat vgnir fóra soquànt sìngui muśicài cuma Ooh Yeah (1998), Quando te quiero (2007) e Parole Parole Parole (2011).

Filmugrafìa

Culegamènt estéran