Uviêd

Da Wikipedia.
C'l artìcul chè 'l è scrit in Miranduléś Emiliàn
Al munisìpi 'd Uviêd
Al stéma dla sità


Uviêd (Oviedo in Spagnôl, Uvieo-Uviéu in Asturiàṅ) l'è na sità spagnōla, capitàla dal Prinsipâ di Astùri, regiòṅ ch'la s cata in dal nòrd dal paéś. La cònta 224.005 abitànt.

La sità l'è stada fundàda intór'n a 'l VIII sècul, dvintànd pò capitàla dal Régn di Astùri in dal IX sècul. L'à patî pò di sachéǵ da part di Francéś durànt al guèri ad Napulèòṅ e l'è stada misa sóta scac durànt la guèra sivìla spagnōla.

Uviêd 'l è 'n sèntar industriàl dimóndi impurtànt: chè i s faṅ dagl'armi da fōg e di artìcui in metàl.

Al piàt tìpic dal pòst 'l è la Fabada ch'la s fà miténd insém di faśōi biànc, carna ad nimàl, salamèṅ e morcilla. Al sidro chè 'l è bvû dimóndi: a s trata 'd un suc alcòlic tirâ via da di póm.

Da 'l 2010 'l è dvintâ na sità śmèla ad Maranèl, paéś in Pruvèinsa ed Mòdna in du a s cata la fàbrica ad màchini dla Ferrari, la scuderìa in du al cur Fernando Alonso, l'Asturiàṅ più cgnusû a 'l èstar.

Culegamènt estéran

Àtar prugèt