Una donna da guardare
|
C'l artìcul chè 'l è scrit in
Miranduléś |
 Una donna da guardare
| ||
 Mauro Vestri in na figùra dal film | ||
| Na dóna da guardàr 1990 | ||
|---|---|---|
| Regìa: Michele Quaglieri | ||
| Scritōr: Riccardo Ghione | ||
| Atōr: Elisabetta Focardi • George Ardisson Pamela Prati • Mauro Vestri • Sonia Topazio Cinzia De Carolis • Domiziano Arcangeli | ||
| Müsica: Gianni Sposito | ||
| Léngua: Itagliàṅ | ||
| Dürä dal film: 100 minüt | ||
| Nasiōṅ: Itàglia | ||
Una donna da guardare (Na dóna da guardàr) 'l è 'n film eròtic itagliàṅ dal 1990 ad Michele Quaglieri girâ in dal Lasi.
Sunt
A 'l pòvar Gianni Luraghi (Mauro Vestri), diretōr 'd un sènt'r ad mòda, a gh'è vgnû 'l mâł dla lumàga e al n gh la cava più a gusàr gnanc cun la sò muróśa, la bèla Marisa (Cinzia De Carolis), a s pōl dàr da quànd al li à ciapàdi da sò pàdar ch'al n al vliva gnanc védar da cla banda e ch'al 'l à parâ via a cals in dal cûl.
Gianni al decìd ad far-as jutàr p'r al prufesōr Müller (George Ardisson) ch'in cal camp lè 'l è 'l as ad brìscula, fra 'l àt'r al gh'à anc na bèla infarméra (Elisabetta Focardi) ch'la lavóra sèg in dal sò studi. Al pasiènt al tórna a lauràr e in mèś a tuti 'l sò mudèli e al próa a purtàr-'s a lèt cla ninéta dla Nina ma a n gh'è gnint da far.
Gianni al próa anc la terapìa di gucîṅ. La dutōra Adriana (Sonia Topazio) la gh 'n insfìlsa soquànt in di dî di pē e quèl a sucéd. P'r al bèṅ dla siénsa lì lē la s lasa mét'r al maṅ adòs, dapartùt, però 'l efèt 'l è bòṅ sōl par na vòlta e pò basta. Tgnénd adrē a 'n cunsìli 'd Müller, 'l óm al partìs par na vacànsa sarnénd Ànzio. Mént'r al fà 'n viàś su 'n traghét guardànd al fòto nûdi dla Pamela Prati su la rivìsta Playmen, Gianni al fà a mènt che lè davśèṅ a gh'è na dóna cumpàgna a la Pamela Prati, la Pamela (Pamela Prati).