Supernova (film 2000)
|
C'l artìcul chè 'l è scrit in
Miranduléś |
 Supernova
| ||
| Supernova | ||
 Peter Facinelli in na figùra dal film | ||
| Supernòva 2000 | ||
|---|---|---|
| Regìa: Walter Hill | ||
| Scritōr: William Malone • Daniel Chuba David C. Wilson | ||
| Atōr: James Spader • Lou Diamond Phillips Angela Bassett • Peter Facinelli • Wilson Cruz Robin Tunney • Robert Forster • Eddy Rice Jr. | ||
| Müsica: David Williams | ||
| Léngua: Ingléś | ||
| Dürä dal film: 87 minüt | ||
| Nasiōṅ: Stat Unî | ||
Supernova (Supernòva) l è 'n film fantàstic dal 2000 ad Walter Hill ch'al 'l à firmâ cuma “Thomas Lee” parchè al s éra quistiunâ c'n i prudutōr dla Metro Goldwyn Mayer.
Custâ nuànta migliòṅ ad dòlar, al film al n è stâ mia stâ bòṅ ad catàr-an sù gnanc quìndas finénd acsè p'r èsar òṅ di flop più grand dla stòria dal cìnema. P'r arfàr al muntàǵ 'l è stâ ciamâ a 'l ùltim Francis Ford Coppola cuma superviśōr.
Sunt
La Nightingale 229 l'è na naṿ spasiàla ad salvatàǵ dal vint-i-unéśum sècul. I fànan part d'l equipàǵ al capitàṅ e pilòta AJ Markley (Robert Forster), al copilòta Nick Vanzant (James Spader), la dutōra Keela Evers (Angela Bassett), al tècnic Yerzy Penalosa (Lou Diamond Phillips), la paramèdga Danika Lund (Robin Tunney) e 'l tècnic infurmàtig Benjamin Sotomejor (Wilson Cruz).
Un dè i ricévan na ciamàda 'd ajùt da na baś ch'la s cata luntàna óltar tri-mila an luś. Par rivàr là i gh'aṅ da far un salt dimensiunàł in dal spasi, un quèl ch'a gh'à di risć, difàti al capitàṅ al mōr durànt al viàś parchè la sò carna la s mìsćia c'n al vēdar dla cabìna. Quànd i èṅ la, i tìran dèntar la naṿ al śōvan Troy Larson (Peter Facinelli) ch'al diś 'd ès'r al fiōl ad Karl, al vèć muróś viulènt dla Keela. Troy al gh'à sèg un bagàj alièṅ, un quèl misterióś ch'ad dènt'r a 'l gus al gh'à dla matèria a nóṿ dimensiòṅ. La dutóra la 'l fà cavàr śò par védar cum 'l è mis e s'al stà bèṅ: a pâr che tut a sia a pòst a part al fat ch'al gh'à i òs dimóndi dûr e fòrt.