Sex is Comedy

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Sex Is Comedy
Sex is comedy.png
Grégoire Colin, la Roxane Mesquida e l'Anne Parillaud in na figùra dal film
Sex Is Comedy
2002
Regia: Catherine Breillat
Scritùr: Catherine Breillat
Atùr: Anne ParillaudGrégoire ColinRoxane MesquidaAshley Wanniger
Müsica: Pascale Chavance • Pedro Marques
Dürä dal film: 94 minüt
Lengua: Francéś


«
Al paròli i èṅ al buśìi, i còrp i èṅ la véra.»


Sex Is Comedy 'l è na cumèdia francéśa e purtughéśa dal 2002 dirèta par la Catherine Breillat.

Al film al fà riferimènt a n'atra pelìcula dla regìsta francéśa, A mia sorella! (A mè surèla!) dal 2001, in dua la gh'iva da giràr na séna dn'inculàda fata da Libero De Rienzo a la Roxane Mesquida che chè la fà la stésa part.

Sunt

La Jeanne (Anne Parillaud) l'è na regìsta ch'l'è drē a giràr un film eròtic ciamâ Scènes intimes in dua i dū atōr, al masć (Grégoire Colin) e la fémna (Roxane Mesquida), i gh'aṅ da far n'inculàda.

Ma a gh'è di prubléma parchè chi lōr i n vaṅ minga 'd acòrd. La fémna pò la n vōl minga giràr dal séni cavàda śò dal tut e lò al n vōl briśa far-as védar cun al cas dûr. La regìsta, jutàda da Léo (Ashley Wanniger), alóra la gh fà métar un pigugnìṅ ad plàstica.

La Jeanne l'inséggna a la śóvn'atōra cuma la gh'à da far e finalmènt la pōl tiràr śò la séna ch'la vliva, cun lē ch'la piànś méntar lò al gh al mét déntar. A n s capìs minga se dabòṅ o par finta ma a la fiṅ la regìsta la gh fà i cumplimènt dgénd ch'l'è stada dimóndi brava.

Culegamènt estéran