Rossy de Palma

Da Wikipedia.
C'l artìcul chè 'l è scrit in Miranduléś Emiliàn
La Rossy de Palma tòlta śò a Cannes in dal 2011
La Rossy de Palma cun i sò fiōi

Rosa Elena García Echave, cgnusùda da piò cuma Rossy de Palma (Palma ad Majòrca, 16 ad Setémbar dal 1964), l'è n'atóra spagnōla.

Biugrafìa

La pasa la sò giuinésa in d'Iśùli Baleàri in du l'éra nada par pò spatinàr a Madrid in dua la mét in pē, insém a di atri baghéti, un grup muśicàl ciamâ Peores imposibles, tulénd al nóm 'd art ad Rossy Peor e pò quél ad Rossy Von Donna.

Cun un grugn dasquadrâ e fóra dal cumùṅ cum la gh'à, la vèṅ duciàda in di an dla movida par Pedro Almodóvar ch'al gh dà na part in dal film La ley del deseo (La léǵ dal deśidèri) dal 1987 e pò anc in di atri sò pelìculi cuma Mujeres al borde de un ataque de nervios (1988), ¡Átame! (1989), Kika (1993), La flor de mi secreto (1995) e Los abrazos rotos (2009).

L'à girâ anc soquànt film in Itâglia cuma Chicken park (1994), faghénd la sòśia ad Morticia Addams in na parudìa ad Jurassic Park, o Tu la conosci Claudia? (2004) in dua l'è la dóna 'd Aldo.

Dal vòlti la s dèdica anc a di àtar mistēr cuma la cantànta o la mudèla ad stilìsta cuma Jean-Paul Gaultier.

La dascór dimóndi bèṅ in Ingléś, Francéś, Spagnōl e Catalàṅ.

Adès la viṿ in Frància insém a i sò dū fiōi.

Soquànt di sò film

Culegamènt estéran