Owen Benjamin

C'l artìcul chè 'l è scrit in Miranduléś

Owen Smith, cgnusû méj cuma Owen Benjamin (Oswego, 24 ad Maǵ dal 1980) 'l è 'n atōr e còmig americàṅ ch'al s dà da dar anc in televiśiòṅ e girànd di telefilm cuma Gaytown, Pretend Time e Sullivan & Son.

In dal 2009 'l è stâ 'l muróś dla Christina Ricci.

Biugrafìa

Fiōl ad dū insgnànt universitàri dal stat ad New York, Owen da śōv'n al taca a lauràr in soquànt prugràma televiśìṿ e faghénd di prugèt in dla réda internet.

In dal 2008 al fà 'l sò debùt a 'l cìnema girànd la cumèdia La coniglietta di casa cun l'Anna Faris e l'Emma Stone, pò 'l tōś part a 'l telefìm Gaytown faghénd la part 'd Owen. 'L an dòp 'l è prutagunìsta dla cumèdia rumàntica All's Faire in Love insém a la Christina Ricci.

In dal 2015 'l è vśèṅ 'd cà ch'in dal curtumetràǵ Handjob Cabin ad Bennet Silverman al cònta dla maledisiòṅ dal pugnéti ch'i cópan, fati da 'n fantàśma dóna ch'la s fà tut i masć ch'la bèca in dla sò bàita.

Filmugrafìa

2008 - La coniglietta di casa (The House Bunny), regìa ad Fred Wolf
2009 - All's Faire in Love, regìa ad Scott Marshall
2011 - Bucky Larson: Born to Be a Star, regìa ad Tom Brady
2011 - Chillerama, regìa 'd Adam Green, Joe Lynch, Bear McCreary, Adam Rifkin e Tim Sullivan
2011 - Jack e Jill (Jack and Jill), regìa ad Dennis Dugan
2015 - Estate a Staten Island (Staten Island Summer), regìa ad Rhys Thomas

Culegamènt estéran

Àtar prugèt

Wikiquote contiene citazioni di o su Owen Benjamin
Wikimedia Commons contiene file multimediali su Owen Benjamin