Mestruasiòuṅ

Da Wikipedia.
C'l artìcul chè 'l è scrit in Carpśàn Emiliàn
La sucesiòun di cambiamèint edl endométri e 'l só desfèr-es in dal mestruasiòun

El mestruasiòuṅ egl'ìn la vgnùda fóra 'd sanghev da 'l ùter edla dòna e gl'ìn quìli ch'i finìsen tùt al cambiamèint mensìl edla só pansa se lē la nn'è mìa stèda ingrevdèda. Al sanghev pers al n'è èter che 'l desfèr-es, cmandê dai ormòun, edl endométri edl ùter, che ogni soquànt 27/28 dè al s arcànbia se 'l n'è mìa servî p'r al crèser ed 'n embriòun. El mestruasiòuṅ i gh'i àn tùti el dòni in dla só etê fèrtil, fóra ch'i 'n gh'àpien un quèlc distùreb c'ma 'd tròpa magrèsa o na quèlc patulugìa.

Quand la ragasóla la dvèinta ragàsa, vers i só dòdes o trèd'ś an, la taca a 'vér-egh el mestruasiòuṅ, e quistichè i la cumpagnaràn in dla só vita 'd dòna per tùt al tèimp ch'la nn'armagnarà mìa in stêt, e infintànt ch'la nn'andrà in menopàvśa vers i só 50 o 53 an.

In dal tèimp ed chi 3 o 5 dè ch'i se ślunghen el mestruasiòun, a gh'è biśògn che la dòna la dróva di asorbèint per catèr sù al sànghev pers e n'stèr mia lè a macèr i vistî.

Vóś lighèdi

Ligàm a fōra