Mantva
Da Wikipedia.
Articol in dialet mantuan 
Mantua l'è una città in t' la Lumbardia.
Artécol in dialèt arzân 
Mântva l'é 'na sitê ed 48.357 abitânt ind la Lumbardìa.
Artéccol in dialètt bulgnais 
Mantva (Mantua in mantuan e latén; Mantova in Itagliàn) l'è onna däl zitè d'la Lunbardî con 48.000 abitant, capitèla d'la pruvénzia dal nomm cunpâgn.
La s câta drî al Ménz, l'è stè fundè dal 2000 prémma ed Crésst; dåpp l'è stè un pajais etróssch ch'i àn dè al nomm dal låur dio, Mantus. I Romàn l'àn ocupè int'la prémma e int'la secånda guèra pûnica, e atais a la zitè ai êra nèd Virgélli, famåus povêta latén.
Dal rinasimänt Mantva l'êra gvarnè dai Gonzaga, dåpp dai tugnén d'l Austria.
Napoleån l'à dgé fèr batâglia par tôrla dal 1796; po dåpp Mantva l'è entrè a fèr pèrt d'la Repóbblica Cisalpénna (formè da l'ugnån d'la Repóbblica Transpadèna con la Repóbblica Cispadèna), dal Raggn d'Itâglia såtta Napoleån e dal Raggn Lunbèrd-Vènet. A la fén d'la Têrza guèra d'indipendänza, dal 1866, Mantva l'è entrè a fè pèrt dal Raggn d'Itâglia såtta i Savoja.
