Labirinto di passioni

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Laberinto de pasiones
Labirinto di passioni
Labirinto di passioni.png
Antonio Banderas e Imanol Arias in na figùra dal film
Labirìnt ad pasiòṅ
1982
Regia: Pedro Almodóvar
Scritùr: Pedro Almodóvar
Atùr: Cecilia RothAntonio BanderasImanol Arias
Helga LinéFernando VivancoÁngel AlcázarFabio McNamara
Müsica: Pedro Almodóvar • Bernardo Bonezzi • Fabio McNamara
Dürä dal film: 100 minüt
Lengua: Spagnōl
Nasiòun/Paèiş: {{{Nasiòun/Paèiş}}}


«
Ciùć m al, ciùć m 'l adès, dòp séna, prima 'd séna, dòp pranś, prima 'd pranś, dòp clasiòṅ, prima 'd clasiòṅ, dòp la ciavàda, prima 'd scapàr via. Al vō't? Ta gh 'l à!»
(Tèst dal braṅ "Suck it to me" cantâ in dal film da Pedro Almodóvar in parsòna)


Labirinto di passioni (Labirìnt ad pasiòṅ) 'l è na cumèdia dal 1982 ad Pedro Almodóvar, chè a la sò secónd'òpra. Custâ vint-i-òṅ migliòṅ ad peśéti, al 'n à purtâ a cà quàśi sènt.

Sunt

La Sexilia (Cecilia Roth) la gh'à 'n prubléma: la gh'à al ciòld fis di masć e la n gh 'n à mai asè. L'è anc la fiōla 'd un dutōr ch'al fà l'inseminasiòṅ artificiàla, al ginecòlug de la Peña (Fernando Vivanco), e la canta in un grup muśicàl viulènt ciamâ "Las Ex". Riza Niro (Imanol Arias) invéci 'l è 'l fiōl fnòć d'l imperadōr dal Tiran, un paéś imaginàri d'l Uriènt Mèdi. Un dè i dū i s càt'n in un marcadèṅ ad Madrid cun l'idéa ad catàr sù di óm da purtàr-'s a lèt. La Sexilia la gh la cava a sarnìr-an dū in un cólp sōl.

Sprand ad guarìr da la sò ninfumanìa, chi lē la taca a 'ndàr da la psicòluga Susana (Ofelia Angélica), una ch'l'à butâ 'l òć adòs a sò pàdar vlénd andàr a lèt sèg ma invéci la in ciàpa pôc da lò. Na sò pasiénta l'è la prinsipésa Toraya (Helga Liné), la vècia mujér d'l imperadōr, ch'l'è rivàda in Spaggna par psér avér di fiōi. P'r al fat ch'la n pōl briśa druàr la śbòra dal sò ex marè, lē la s mét in tèsta ad tōr qvéla dal sò fiàstar dòp avér savû, lśénd na rivìsta, che anca lò 'l è in sità.

A Madrid Riza al gh stà ad nascòst, sèmpar cun di uciài nég'r adòs e na pirùca risulìna incô. Subìt al và a lèt cun un śóvan travestî drugâ, Fabio (Fabio McNamara), e pò cun Sadec (Antonio Banderas) ch'al fà part 'd un grup ad terurìsta dal Tiran ch'i èṅ drē pròpria a pascàr-al ma lò al n è briśa bòṅ 'd arcgnós'r-al. Quànd Riza al vèṅ a savér che 'l sò amànt al daśvèṅ da 'l sò paéś anca lò, al càmbia vistî e cavìi, dvintànd al cantànt punk "Johnny" cun 'l ajùt ad Fabio. In cla manéra chè Riza al gh'à manéra ad friquintàr la Sexilia e fra i dū a scròca la mòla d'l amōr.

Un dè, purtànd i sò pagn a lavàr in na lavanderìa, la Sexilia l'incóntra la Queti (Marta Fernández Muro), na pòvra dóna ch'la vèṅ viulentàda da spés da sò pàdar ch'al tōś sèmp'r al stimulànt Vitapens p'r avér la carga giùsta méntar lē la gh mét ad nascòst al calmànt Benzamuro in dal tè par far-gh-al vgnir fiàp. Par cunsulàr-as, Queti la s mét adòs i vistî dla Sexilia parchè la la véd cuma 'n mudèl par lē. Vdénd ch'la gh sumìlia dimóndi, a qvala là a gh vèṅ l'idéa ad cambiàr-'s ad pòst: la Queti la prév tōr la sò vita, par daśmindgàr-as finalmènt al sò pàdar manìac, méntar lē la gh'arév l'ucaśiòṅ ad scapàr via cun Riza.

Ma i terurìsta e la Toraya i gh'àṅ di àtar piàṅ par lò.

Culegamènt estéran