La volpe dalla coda di velluto
|
C'l artìcul chè 'l è scrit in
Miranduléś |
 El ojo del huracán
| ||
| La volpe dalla coda di velluto | ||
 L'Analía Gadé in na figùra dal film | ||
| La vólp da la cóa 'd vlû 1971 | ||
|---|---|---|
| Regìa: José María Forqué | ||
| Scritōr: José María Forqué Rafael Azcona • Mario di Nardo | ||
| Atōr: Analía Gadé • Jean Sorel • Tony Kendall Rosanna Yanni • Maurizio Bonuglia • Julio Peña | ||
| Müsica: Piero Piccioni | ||
| Léngua: Spagnōl | ||
| Dürä dal film: 100 minüt | ||
| Nasiōṅ: Spaggna • Itàglia | ||
La volpe dalla coda di velluto (La vólp da la cóa 'd vlû) 'l è 'n thriller itagliàṅ e spagnōl dal 1971 ad José María Forqué.
La pelìcula l'è stada giràda a Madrìd, in dla Còsta Brava, a Geróna e in Pùglia.
Sunt
La Ruth (Analía Gadé) l'è na dóna pîna 'd bèsi ch'la gh'à na vila in dla Còsta Celèsta ma 'l sò matrimòni cun Michel (Tony Kendall) 'l è drē a 'ndàr in ruìna parchè lē la n gh vōl più bèṅ. Un dè la dóna la gh diś ch'l'è finìda e ch'in cal méntar l'à anc cgnusû 'n óm ch'al l'à fata inamuràr, Paul (Jean Sorel). I dū i tàcan na relasiòṅ insém, vdénd-as da spés anc cun 'n amìg ad lò, Roland (Maurizio Bonuglia).
La Ruth l'invìda Paul a vgnir a star sèg e, in dal stés tèmp, la taca 'l pràtichi 'd divòrsi. A 'l impruvìś però la và in a risć ad murìr durànt dū incidènt dimóndi strâṅ: in màchina, ch'i n gh funsiónan piò i frēṅ, e sotàqua quànd al bómbuli d'l usìgen i s frùstan a 'l impruvìś méntar l'éra drē a far n'imersiòṅ. Na nòt par caś la sènt Paul dascórar cun la sò muróśa Danielle (Rosanna Yanni) e cun Michel par traplàr un piàṅ par far-la fóra e parmét'r acsè a sò marè ad ciapàr i bèsi dl'eredità prima ch'a sia tròp tard.