Imenéo

Da Wikipedia.
C'l artìcul chè 'l è scrit in Carpśàn Emiliàn
'L Imenéo cun dū spóś, in 'n òli dl Edward Burne-Jones dal 1869
'L Imenéo ind un pavimèint 'd mośàic dla tersa stansa dal termi 'd Netùn in dl'Ostia antìga
N' inciśiòun ed Wenceslaus Hollar dal Sesèint cun 'l Imenéo e 'l Cùpid

'L Imenéo (Υμέναιος in gréc) in dla mitulugìa greca, 'l è 'l dio ch'al porta bèin ai dū spōś.

In di spuśalìsi dl'antichitê gréca e romàna, al dio Imenéo 'l éra ciamê e cantê perchè sól al matrimòni c'n al só benestèr al srèv andê bèin.

El tradisiòun i vrèven al dio Imenéo na volta fiōl ed na Muśa e dl Apòl e n'ètra volta fiōl dal Bâc e dla Vener. Al srèv e-dvintê prutetōr di spōś dòp 'd aver'gh-la cavèda ed spuśèr l'aristocràtica ch'l amèva, in prémi p'r aver salvê lē e 'l só cumpàgni dai pirêt ch'i i avìven rapìdi. N'ètra tradisiòun la dirèv che lò, b'lìsim e brevìsim in dla mùśica, mèinter che 'l Bâc al se spuśèva l'Ariàna, al srèv mort o 'l avrèv pers la vōś tùt 'd un colp, 'd in dû a dvintèva importànt p'r i spōś ch'i gnìven dòp, la só protesiòun pròpi in cal mumèint lè.


Vóś lighèdi


Colegamèint estèren