I racconti della camera rossa
|
C'l artìcul chè 'l è scrit in
Miranduléś |
 I racconti della camera rossa
| ||
 Na figùra dal film | ||
| I racònt dla cambra rósa 1991 | ||
|---|---|---|
| Regìa: Joe D'Amato | ||
| Scritōr: Lim Seng Yee | ||
| Atōr: Lily Hwa • Chan Mei • Li Mia Hung Tan Kok • Rose Yu • Chin Yao • Lim Kin Jong | ||
| Müsica: Piero Montanari • Fabrizio Fornaci | ||
| Léngua: Itagliàṅ | ||
| Dürä dal film: 87 minüt | ||
| Nasiōṅ: Itàglia | ||
I racconti della camera rossa (I racònt dla cambra rósa) 'l è 'n film eròtic itagliàṅ dal 1991 ad Joe D'Amato ch'al s firma Robert Yip.
Sunt
Un vèć rivâ in un caśèṅ cinéś, al cònta quàtar stòri eròtichi a la padròna 'd cà.
In dal prim racònt, Kato 'l è 'n śōvan ch'l à butâ 'l òć su na sgnōra ch'la fà 'l bagn in dla cà darènt. Par cunquistàr-la, al decìd 'd andàr a sarvìr, vistî da dóna, a cà dal vèć marè. Quànd chi lò al mōr, ch'a gh vîṅ 'n ìctus, Kato al s rénd cònt che sò mujēr 'l è 'n travestî.
In dal secónd epiśòdi un mandarèṅ dimóndi gelóś al fà métar na sintùra 'd castità “trapla” a sò mujēr, na tajóla sćiànca cas. Tri dasfurtunâ mémbar dla sò cōrt i armàgnan fargâ paténd prima 'l taj dla béga par pò èsar giustisiâ. La punisiòṅ par la dóna a riva anc par lē quànd al mandarèṅ al manda śò la ciàṿ acsè l'impàra.
In dla tèrsa stòria Chun Lao al n è briśa bòṅ ad cuntintàr la sò dóna a lèt. Al pénsa acsè ad cumpràr dū fìltar 'd amōr par lò e par lē, al prim par far crésar la sò śmagna p'r al sès, al secónd par calmàr cla purcùsa dla sò sgnōra. Purtròp al s cunfónd bvénd qvél śbàliâ. Lò al finìs in còma méntar la malnéta la s mét a gusàr-'s al séruv Wang.
In dal quàrt racònt a s dascór dal mercànt ad stòfa Wutse. Esénd in buléta, chi lò 'l iva decìś 'd andàr a dmandàr di bèsi ch'al gh'iva d'avēr a Li Peng mo chi lò al n éra briśa a cà, a gh'éra sōl sò mujēr ch'la s è fata dar dū cōlp. Quànd Li Peng 'l éra tórnâ a cà, al 'l iva bcâ nûd insém a la sò spóśa. Par vindicàr-as 'l iva decìś 'd inculàr-al mo Wutse a s véd ch'al n à minga imparâ bèṅ la lesiòṅ esénd ch'al turnàva di atri vòlti a far cumpàgn, giusà parchè.