Franco Setti

Artécol in dialèt arzân

FRANCO SETTI, (10/01/1943 - 30/11/2001) artésta ed grând carâter, l’îva incumincê dimòndi zôven a cantêr e èsregh in tânt concōrs in dōve al s’êra fât cgnòser ind l’ambiĵnt musichêl arzân. A 18 ân l’é andê a sunêr cun al gróp de I Madison, dôp l’êra pasê per pôch tèimp cun al gróp de I Selvaggi, insèm îven tachê a sunêr fōra Rèz e a zibîres in divêrs lochêl dl’ Èlta Itâlia. In sègvit l’îva fât pêrt dal gróp de I Peccatori, per conclóder j-ân ssânta cun al gróp de I Carbonari. Al só repertôri l’êra réch e al gh'îva dèinter dal cansòun, sia italiâni che furastêri, adâti a la só vōş fôrta e pîna, cun la preferèinsa per cóli dal cantânt itâlo-bêlga Adamo. Andê fôra ed sēna per dimòndi ân, l’êra turnê in môd preputèint insém al pelchsènich ind al 1996 cun al Gaudio e il Duetto, tersèt musichêl ed varietê dialetêl e italiân. Cun al tersèt l’à girê la pruvîncia ed Rèz, e in còli asvèin, in lòngh e in lêregh, l’îva prupôst un nōv môd artestéch cun l’unîr al só bòuni qualitê ed vōş e èser ‘na bòuna spâla per Gaudio Catellani, cun al presiōş ajòt 'd l'amîgh Uberto Pieroni al pianefôrt.

Colesiòun

L’ûltma e fōrsi l’ónica colesiòun ed cansòun cantêdi da Franco Setti cun al tétol: Via con lei.
Ind la manēra dal só ultèm môd de stêr insém al pelchsènich osèja: sèri in italiân cun: Via con lei, Tu che sei il massimo, Amore amaro, Senza te e Il fatto che tu…; in dialèt cun: Turnòm indrê, Pêder e fiō e Mé pêder mé e mé fiōl; in bûrla in italiân cun: Piccolo difetto; in dialet cun: Orco cân! e Un bêş in asensōr.
Colesiòun prodòta da Gaudio Catellani e dedichêda a i dû fiō ed Franco Setti: Benedetta e Matteo.

• Via con lei – G.Catellani
• Tu che sei il massimo – G.Catellani
• Turnòm indrê – G.Catellani
• Amore amaro – G.Catellani
• Pedêr e fiô – P.Messori – F.Poli
• Senza te – G.Catellani
• Orco cân! – G.Catellani
• Mé pêder, mé e mé fiôl – G.Catellani
• Piccolo diffetto – M. Davoli – F.Poli
• Il fatto è che tu… – G.Catellani
• Un bês in asensōr - M.Davoli – F.Poli