Francesca Lodo
Artéccol in dialètt mudnés 
Francesca Lodo l'è na mudèla, atrìs e showgirl sardagnóla nada a Cagliari al prim d'agòst dal 1982. Al sò miśùri i èṅ 90-62-88 e la pòrta al 40 ad scarpi.
[modifica] Biugrafìa
In dal 1999 la vèṅ sarnìda p'r andàr a Miss Mondo e 'l an dòp la vins al cuncórs Bellissima 2000, davànti a sò cuśìna Giorgia Palmas (in séguit velìna ad Striscia la Notizia), e acsè la và a far la letterina in dal prugràma ad Canale 5, cundót par Gerry Scotti, Passaparola.
In dal 2005 la fà la cuntadìna in dal reality show La Fattoria e a la fiṅ d'l an la cumparìs cavàda śò in dal calendàri sexy dal 2006 dla rivìsta For Men Magazine.
In dal 2006 l'à cundót al meteo dal Tg4 'd Emilio Fede e anc al prugràma Sipario. Sèmpar in c'l an lè, la s dà al cìnema cumparénd in dal film ad Carlo Vanzina Olè cun Massimo Boldi e Vincenzo Salemme.
In dal Śugn dal 2007 la vèṅ interugàda p'r al PM Frank Di Maio in d'l àmbit dl'inchiésta ciamàda Vallettopoli. In d'l istâ dal 2010 la showgirl Belen Rodriguez la diś che lè lór dū i aṅ druâ du vòlti dla cucaìna, sèmpar purtàda par la Lodo, ma la sardagnóla la s rabìs e la diś ch'l n è minga véra.[1]
[modifica] Nòti
- ↑ Dichiarasiòṅ ad Belén Rodriguez libero-news.it, 26 ad Luj dal 2010
