Dmitrij Ivanovič Mendeleev

Da Wikipedia.
C'l artìcul chè 'l è scrit in Carpśàn Emiliàn
Un monumèint a Mendeleev a Péderbùrg
La Tèvla periòdica di elemèint ch' l' îva cumpilé lò in dal 1871


Dmitrij Ivanovič Mendeleev (ciamê in Rus Дми́трий Ива́нович Менделе́ев, IPA: [ˈdmʲitrʲɪj ɪˈvanəvʲɪt͡ɕ mʲɪndʲɪˈlʲejɪf] scòlta'l chè) 'l è stê un chìmic rùs, nê a Tobolsk, in Sibéria, in dal 1834.

Biugrafìa

Al studièva i elemèint chìmic a secònda dal lôr péś atòmic e al li mitîva in òrden in na Tabèla in manéra che a intervaj regulèr i elemèint i preśentèven dal proprieté parèinti tra 'd lôr: in cla manéra chè al catéva ch' l' éra pusìbil grupèr i elemèint chìmic in dàl culòuni vertichèl dla sô Tabèla p'r afinité.

Cla Tabèla chè scrìta da Mendeleev l' è stèda la prìma Tèvla dal Sistéma periòdic di elemèint, publichèda in sul "Giurnèl dla sosietè chìmica rùsa" in dal 1869.

La Tèvla l' è po' stèda agiurnèda da di èter siensié, cun dagli ètri nuvitè mo la mantgnîva l' impostasiòun inisièla, perchè Mendeleev 'l îva capî ed lasèregh di pòst vód in du incòri al saîva 'd an cgnuser brîśa 'n elemèint cal s' è po' catê dòp.

Mendeleev al murîva in dal 1907 a Péderbùrg.