Comunione con delitti

Da Wikipedia.

C'l artìcul chè 'l è scrit in Miranduléś Emiliàn

Alice, Sweet Alice
cgnusû anc cuma
Communion e Holy Terror
Comunione con delitti

La Brooke Shields in na figùra dal film
Cumugnòṅ cun di masamènt
1976
Regìa: Alfred Sole
Scritōr: Rosemary Ritvo • Alfred Sole
Atōr: Linda MillerLillian RothBrooke Shields
Mildred ClintonAlphonso DeNobleJane Lowry
Louisa HortonNiles McMasterRudolph Willrich
Müsica: Stephen J. Lawrence
Léngua: Ingléś
Dürä dal film: 108 minüt
Nasiōṅ: Stat Unî


«
S'at scamp 'sta sira... gnint a t spavint'rà mai piò.»
(Tagline dal film)


Comunione con delitti (Cumugnòṅ cun di masamènt) 'l è 'n film indipendènt ad scarésa americàṅ dal 1976 'd Alfred Sole girâ cun tarśènt-quarantamìla dòlar e pò basta.

'L è al prim film dla Brooke Shields ch'in alóra la gh'iva dód'ś an.

Sunt

Durànt i an Ssanta a Paterson (New Jersey) la Catherine Spages (Linda Miller) la và a catàr, insém a 'l sò dū fiōli Karen (Brooke Shields) e l’Alice (Paula Sheppard), al prēt dla sità, pàdar Tom (Rudolph Willrich).

La prima dal putìni l'è la più pìcula e la gh'à da preparàr-as p'r al sacramènt dla prima cumugnòṅ. Al prevòsar al gh rigàla 'n cruśifìs ma l’Alice, ch'la n à mai mandâ śò la separasiòṅ di sò genitōr e ch'l'è and dimóndi gelōśa ad sò surèla, la s mét adòs na mascra ch'la fà scarésa faghénd vgnir i śgriśōr a la śgnóra Tredoni (Mildred Clinton), la dóna ch'la dà na maṅ in cà a 'l religióś. Turnàda a cà, l’Alice la taca a far di daspèt a la putìna, śgranfgnànd-ag la sò bàmbula e srand-la dènt'r a 'n tanabùś.

Al dè dla serimògna, na figùra mascràda e vistìda ad śal la stròsa la pòvra Karen cun l’Alice ch'la tōś al sò pòst in céśa.

Quànd pò a pèrd la vita anc la sia dal putìni, l’Annie (Jane Lowry), cupàda cun dal scurtlàdi da la figùra in śal, la gh và in mèś l’Alice parchè a pâr ch'a sia stada lē. Ma anc sò pàdar 'l è in a risć ad far na bruta fiṅ.

Culegamènt estéran